عثمانئ كورئ عه فانى

‌

عـثمانئ کـورئ عەفـانی

خـودایـئ مەزن مزگینیا بـەهەشتئ دا بـو ١٠ ژ هەڤالئن پئغەمبەری سلاڤئن خودئ لسەر بن،

و ئێك ژوانا عثمـانئ کـورئ عەفانـی بو رازیبونا خودئ لسەر بیت ، و ئەو ئێک بوو ژوان کەسان کو هیڤی و ئارمانجئت وی ئەو بوون ئیسلامئ بەلاڤ بکەت و بپارئزیت ، و ل پشتی ابو بکر الصديق و عومەرکورئ خەتابی عثمانی دەست هەلاتا خیلافەتا راشدی وەرگرت،

و ژیانا هەڤژینیئ یئ یا دگەل دوو کچئن پئغەمبەری سلاڤئن خودئ لسەر بن پئک ئینای ، ل دەست پئکئ دگەل روقەیایئ هەڤژینی پئک ئینا ، و ل پشتی مرنا وێ هەڤژینی دگەل خویشکا وئ ام کلثومئ پئک ئینایە، رازیبونا خودئ لسەر وان بیت، ژبەر ڤئ چەندئ ناسناڤئ ذي النورين یئ دایئ ئانکو خودانئ دوو روناهیا، ناسناما وی عوثمانئ کورئ عەفانئ کورئ ابی عاص کورئ ئومەیەی ، دایکا وی ئەروا کچا کریز کورئ رەبیعەی و دایکا ئەروایئ دبیتە کچا عبدالمطلب مامئ پئغەمبەری سلاڤئن خودئ لسەر بن ، و عثمان یئ ل باژئرئ طایف ژدایک بوی ، شەش سالا پشتی سالا فیلی ، ل سالا ٥٧٦ز ژ دایک بویە ، بابئ وی د جاهلیەتئ دا ئەمرئ خودئ کربو ، بەلئ دایکا وی موسلمان ببو و ل سەردەمئ خیلافەتا عثمانی دا ئەمرئ خودئ کربو ، کەسەکئ ژیر و تئگەهشتی بو ب دەست هەلاتا خو ، و مئشکئ خو و دبوچونا درست دا ، چجارا مەی دژیانا خودا نە ڤەخاریە ، کو دەمەکئ دا ئک بو ژ ماقیل و زەنگینئن قورەیشیا ، عثمانئ کورئ عەفانی موسلمان بوو پشتی ابو بکر الصديق داخاز ژئ کری دنامەیەکئ دا ئەڤجا وی بەرسڤ دا و دیت کو ئەڤە ئاینەکئ دروستە ، ل وی دەمی ژیئ وی ٣٤سال بون ، ئێک بو ژ دەست پئکـن ئیسلامئ پشتی أبو بكر الصديق و عەلەیئ کورئ بەبو تالبی و زەیدئ کورئ حارسی ، ئەو کەسئ چارێ بوو موسلمان بووی ژ قورەیشیا ، شەرئ‌ بەدرئ شەرئ ئکئ بو د ئیسلامئ دا دەمئ کو پئغەمبەری داخاز ژ موسلمانا کری موسلمان هەمی دەرکەتن و هاتن و عثمانئ کورئ عەفانی ژی ئک ژوان بوو، کو هەڤژینا وی د وی دەمی دا یا نەساخ بوو ب نەخوشیا ( حەسەبئ ) ئەڤجا فەرمانەک بو هات کو مینیتە دەف هەڤژینا خو و جاڤدئریا وئ بکەت ، ئینا ما ل دەف هەڤژینا خو هەتا ئەمرئ خودئ کری ، و ل دەمئ موسلمان سەرکەفتی ل شەری دا هاتینەڤە شنی پئغەمبەری دەنگوباسئ مرنا کچا خـو گولئ بوو ،

وەسفئت عثمانئ کورئ عەفانی :

عثمان یئ پئش کئش بوو ب جانیا خوو و دهئتە وەسف کرن کو یئ ناڤەند بو ب درئژیئ ، و یئ ئەسمەر بوو ، و پرچەکا بوش هەبو ، و رهئت وی درئژ بوون و دەستئن وی درئژبوون ، وەکی هاتیە گوتن کو دەستئن وی داپوشای بون ب میا ، ئەما وەسفئت وی ژلایئ رەوشتی ڤە : یئ بەرنیاس بو ب راستگویئ و دەست هەلات و رەوشتئ وی یئ بلند ، و ئەوی چ سوجدە بو چ پەیکەرا نەبرینە بەری ئیسلام بهئت د سەردەمئ جاهلیەتئ دا ،

و ژ گرنگترین کارئن دئیسلامئ دا هاتیە ئەنجام دان کو کوم کرنا قورئانا پیروز بوو کو کوم کریە د ئک پەرتوک دا عثمانئ کورئ عەفانی ئەنجام دابو د خیلافەتا خودا ،و فەرمان هاتە کرن ل سەحابیئ پیروز پشتی کو گەلەک جورئن خاندنئ و زمان دەرکەتین بو قورئانئ داکو ژبەر خەلکی بەرزە نەبیت ئەڤ کارە ئەنجام دا ..

مرنا عثمانئ کورئ عەفانی :

عثمانئ کورئ عەفانی ل روژا ١٨ ذي الحجة سالا ٣٥ مشەختی دژیئ ٨٢ سالیئ دا ، پشتی کو ب دەستئ گروپەکئ دوریا هاتیە شەهید کرن ،و ژیانا عوثمانئ کورئ عەفانی هاتە ب دوماهیک ئینان کو دەمەکی دا داخاز ژ موسلمانا دکر داکو کەس نەهئتە کوشتن ب ئەگەرئ وی ، و ل موسلمانا قەدەغە کر کو ب شیرئ خوو بەرەڤانیئ ژ وی بکەن و ئەڤەژی ئاماژەکا مەزنە لسەر رەوشتئ وی یئ ئیسلامی ...

admin | rebas zebari