کورێن نوح پێغەمبەر پشتی طوفانێ

چیروکا کورێن نوح پئغەمبـەری :

پئغەمبەر نوحی سلاڤـئن خودئ لسەر بن چار کور هەبن ، ئەوژی : سام و و حـام و یافث و کەنعان،

و هندەك ئاماژە ب ناڤئ کەنعانی ددەن کو ناڤئ وی یام بوو ، هەرچاوا بیت زانا دبئژن کو کورئ نوحی ئەوئ گاور بوی کەنعان بوو یانژی یام ، و ئەو بوو د لەهـیئ دا خەندقی دەمئ کو کافر خەندقین ،

و سـئ کور بو نوح پئغەمبەر مانە ڤـە و دیندەهـ و زوریەتا مروڤایەتی یئ یا ژوان دەست پئکئری ، و هندەك رانا دبئژن کو ئەو مروڤئن پشتی نوح پئغەمبەری هاتین هەمی ژ زوریەتا وینە ، و دهئتە پشت راستکرن ئەڤ گوتنە د قورئانا پیروز دا ، خودایئ مەزن دبئژیت : ( وَجَعَلنَا ذُريَتَهُ هُـمُ البَاقـِينَ ) هەروەسـا طەبەری چئکرنا رابونا زوریەتا نوح پئغەمبەر سلاڤئن خودئ لسەر بن پشتی طوفانئ دبئژیت : عەجەم و عەرەب وژ زوریەتا سام بوون و ترك و "الصقالبة" کو خەلکئ ئەندەلوس و وان دەڤەرا بون و مەغولی ژ زوریەتا یافث بوون ، و هندەك زانا دبئژن کو یەئجوج و مەئجوج ژی هەروەسا ژ زوریەتا یافث بوون ، و خەلکـئ سودانئ و وان دەڤەرا ژ زوریەتا حام بوون...

نێزیك بـونا هیـلاك چونـا قەومێ نوحی ب طوفانێ :

خودایـئ مەزن پئغەمبەر نوح بو قەومئ وی فرئکر داکـو گازیا خودای بگەهینیتئ و دەستا ژ پەیکەر پەرستنئ بەردەن و پەرستنا خودایئ ئکانە بکەن ، و نوح پئغەمبەری بدرئژاهیا ژیئخو گازیا خودێ بەلاف کر و رئکا راست و درست بو وان گوت بەلئ وان باوەری نە ئینا ، ئەڤجا خودایئ مەزن گوتە نوح پئغەمبەرئ خوو نوحی کو هیلاك چوونا مللەتئن گاور و کافران یا نئزیك بووی ، ئەڤجا لسەر تە پئدڤیە تو گەمیەکئ چئکەی داکو مروڤئن باوەردار دگەل خو راکەی چنکی دێ طوفانەکئ فرئکەم دێ خر تئدا خەندقن، ئینا نوحی فەرمانا خودای بـجهـ ئینا و دەست ب چئکرنا گەمیئ کر هەتـا کو بدوماهیـك ئینای،

بەشـێن پاپورا نوح پئغەمبەری :

دبئژن کو پاپورا نوح پئغەمبەری لسەر سئ بەشان هاتە دروست کرن ، بەشەك بو مروڤئن باوەردار و بەشەك بو گیانەوەرئن درندە و بەشەك بو بالندان ،

و دەمئ فەرمانا خودایئ مەزن هاتی بارانئن بهئز ل ئەسمانا دەست پئکرن و کانی پەقین و ئاڤ ژ ئەردی دەرکەت و هەمی ئەو کەس تئدا خەندقین یئن کوفر بخودای کرین و ترانئن خو ب پئغەمبەرئ وی کرین ، کافر خەندقین و باوەردار رزگار بوون ، گەمیا نوحی مەلەڤانی دکرن ل دیف وئ هئزا خودای دایئ و مەزناتیا پئشکئشی وان کری . هەتا کو ئەردی دەست ب ڤەخارنا ئاڤئ کری و عەسمان ژ بارانا راستیاین ، و گەمیا نوحی ئاکنجی ئەردی بویە ڤە ، و پئغەمبەرئ خودئ دگەل باوەرداران ژ گەمیئ دەرکەتن و هەر کەسەکئ مابو لسەر ئەردی خەندقی بوون و بتنئ کەسئن باوەردار مانە لسەر ئەردی ، و ژیانەکا نوی دوبارە زڤریە سەر ئەردی...

admin | rebas zebari