كەڤنترین باژێر د جیهانێ دا
کەڤنترین باژێر دجیهانێ دا :
دەرباڕەی کەڤنترین باژێر دجیهانێ دا گەلەک گفتوگو و گەنگەشە یێن هەین دناڤبەرا مێژوو نڤیسان دا ، و زوربەیا مێژوو نڤیسا ددەنە دیار کرن کو هەردوو باژێرن "حیفا" و "دیمەشق" کەڤنترین باژێر د جیهانێ دا ، بەلێ چ بەلگێن مادی یان شینواری نینن بومە بدەنە دیار کرن کا کیژ ژوان کەڤنترینە ، ژبەر هندێ ئەم دێ مێژویا ڤان هەردوو باژێران د ئەڤێ راپورتێ دا دەینە دیار کرن .
باژێرێ دیمەشقێ :
دیمەشق دکەڤیتە وەلاتێ سوریایێ ، و دهێتە دانان ب ئێک ژ کەڤنترین باژێرێن مللەت لێ ئاکنجی بوین و ئاڤا بوین ، ئەو ئاڤاهیێن وی باژێری ب کوالێتیەکا بلند دهاتن ئاڤا کرن کو ل چ باژێرێن دی یێن جیهانێ شیان نەبون وەسا ئاڤا بکەن ، فە ئەوان خانیێن عەڕەبی یێن درست کرین و مزگەفت و دێرێن فەلا یێن ئاڤا کرین و رێکێن باش و چاک یێن هاتینە درست کرن ، و ژ ئەگەڕێ وان ئاڤاهیان دیمەشق ب باژێرەکێ کەلەپوری یێ جیهانی هاتە دانان ژلایێ دەزگەهێ یونسکو ل سالا ١٩٧٩ زاینی ،
مێژو و شینوارێن باژێرێ دیمەشقێ :
گەلەك ژ ئاڤاهیان و جهێن شینواری ل باژێرێ دیمەشقێ یێن ژناف چوین د چەرخێن جودا جودا دا ، هندەك ژوان ژبەر رویدانێن سروشتی وەکی بیڤەلەرزا یێن ژناف چوین ، و هندەک ژوان ژئەگەرێ جەنگ و شەران یێن ژناف چوین بتایبەتی د جەنگێ جیهانی یێ دوویێ دا ، و ژ ئەگەرێ فەرمانکرنا فەرەنسا بو وی باژێری ، و چ نە ماینە ژبلی هندەک ژوان د نوکەدا ئەوژی :
- کەلها دیمەشقێ ،
- مەزارێ سەلاحەددین ئەیوبی
- مزگەفتا ئەمەوی
- تەکیا سولیمانیە
- مەیدانا المرجة
- مەزارێ خاتین روقیا
باژێرێ حیفا :
ئێکە ژ باژێرن هەرە گرنگێن فەلەستینێ کو یا هاتیە داگیر کرن ژلایێ سەهیونیا ڤە ، ب درێژیا ١٥٨ کیلومەتران یا ژ باژێرێ قودسێ دیرە ، و ئەڤ باژێرە ب مێژویا خو یا کەڤن ڤە دزڤریتەڤە بو سەردەمێ بەرین ، کو هندەك پەیکەرێن مەزن ئاماژە ب ڤێ چەندێ ددەن ، و ئاڤا کرنا ئەڤی باژێری دزڤریتە ڤە بو چەرخێ چاردێ بەری زاینی ژلایێ کەنعانیا ڤە ، و گەلەک سەردەمێن ئیسلامی یێن دئەڤی باژێری دا ژیان و بورین ، وەکی سەردەمێ ئەمەویا و عەباسیا ،
و ژلایێ مێژوی ڤە چەند شیوار یێن هاتینە ڤەدیتن کو ئاماژە ب کەڤناتیا ڤی باژێری ددەن و ژیان یا لێ هەبووی بەری ١٥ هزار سالا بەری زاینی ، و مێژو نڤێس هوسا هزردکەن کو ژبەرهندێ ئەڤ باژێرە یێ هاتیە هلبژارتن بوژیانێو هاتیە ئاڤا کرن ژ بەر سروشتێ وێ یێ جوان و خوش و هەبونا زوریا ئاڤێ ل وێ دەڤەرێ ، و هندەك شینوارێن وێ یێن مێژوی یێن ماین هەتا نوکە ، زوربەیا وان یێن هاتینە ژناف برن ژ ئەگەرێ رویدانێن سروشتی و جەنگ و شەران و داگیر کرنا سەهیونا بو ڤێ دەڤەرێ ،
مێژو و شینوارێن حیفایێ :
- کومەلەکا جهێن ئاینی یێن مەسیحی کو هاتینە ئاڤا کرن ژ کەڤندا ، ژگرنگتڕینا دێرا فرانسیسکان ، و دێرا بابکان و کاراملیان ، و دێر ، و دێرا دام دونارارات ،
- یازدە شینوارێن بەهائیان ، ژوانا مەزارێ ئەلباب کو ب باخچەکێ جوان هاتیە دوورپێج کرن
- مزگەفتا ئیستقلال ، کو ئەڤ مزگەفتە د سەردەمێ ئوسمانیان دا هاتیە ئاڤاکڕن ،
- دێرا قدیس لویس ماریانو ، ئەڤ دێرە هاتیە ئاڤا کرن د سالا ١٨٨٠ زاینی دا د سەردەمێ سولتان عبدالحمید یێ دوویێ دا ،
بوچونا خو لسەر بابەتی بدە