زیانێت ئارامکەران(مسکن)

 ئارامکەر(مسکن)

ئارامکەر ئەو رێکا بسەناهی و بلەز کو گەلەک کەس پەنایێ بو دبەن لدەمێ ئازاران  لێ ڤان ئارامکەران زیانێت زێدە هەنە بو تەندروستی و جەستەیێ مروڤی ،ئەگەر گەلەک بهێنە بکارئینان و کارتێکرنا خو یا نەرێنی یا هەی بتایبەت ئەگەر دگەل هندەک چارەسەریێن دی بهێنە بکار ئینان،

زیانێن ئارامکەر بو تەندروستیا لەشی

1-گەلەک بکارئینانا ئارامکەران کارتێکرنێ ل سیهان دکەت و دبیتە ئەگەرێ تەنگەنەفەسیێ بتایبەت بو وان کەسێن ئالادەبون بو چێبو کو نەشێن بێ ئارامکەر بژین.

2-گەدە و ریڤیک ئەو پترین ئەندامن کو ئارامکەر کارتێکرنا نەرێنی لێ دکەت کو ئەگەرەکا مەزن یا هەی قرحا گەدەی و خینبەربون دناڤا گەدێ و ریڤکاندا ریبدەت.

3- گەلەک بکارئینانا ئارامکەران دبیتە ئەگەرێ گەلەک پسکرێکان د دلی و لولەیێن خینێدا کو دبیتە ئەگەرێ جەلتێ و سەکتا دەماخی.

4-هەروەسان ئاریشان د گولچیسکان دا چێدکەت کو دبیتە ئەگەرێ ژ کارکەڤتنا وان و مرنێ.

5- هندەک نیشان یێن هەین ئارامکەر دروست دکەن وەکی دل رابون و زک چون و هشک بونا دەڤی و سترێس و نڤستن.

6 - ئارامکەرێن زێدە مەترسیەکا مەزن یا لسەر سیستەمێ هەناسەدانێ هەیە کو ئاریشێن تەندورستی دروست دکەت د سیهان دا.

7-ئاریشێن سکسی دروست دکەت

8-کارتێکرنێ لسەر هەستی و ماسولکان دکەت

9- مەترسی لسەر ئافرەتا بدووگیان هەیە و ئەگەرا ژبەرچونێ زێدە دبیت.

هندەک روەک و دەرمانێت سروشتی

ئەم دشێین هندەک ژ دەرمانێت سروشتی بکاربینین بەرامبەر ئارامکەرا..وەکی

1- زنجەبیل ئک ژ بەربەلاڤترین ڤەخارنایە بو چارەسەریا هەودانان (التهاب) و سەرئشانێ

2-پینگ هندەک ژ مادێن ئارامکەر یێن تێدا هەین کو ئازاران کێم دکەت.

3- چایا کەسک پاراستنە ژ پەنجەشێرێ و هەودانان و ئازاران

4- رزیان جورەکێ روەکی یە بمفایە بو قورتالبون ژ ئازاران.

و خو پاراستن باشترە ژ چارەسەریێ..