40 پێنگاڤ بو نەهێلانا بێزاریێ د مالدا
40 پێنگاڤ بو نەهێلانا بێزاریێ د مالدا
بێزاری هەستەکە د هندەک دەمێن تایبەت دا مروڤی دگریت، دبیتە ئەگەرێ نەرحەتی و ئاستەنگان بو برێڤەبرنا ژیانا خو یا روژانە بشێوەکێ سروشتی، و ژ ئەگەرێ روتینی کو تێدا روژێن وی هه می وەک ئێک دبن، کەسێ بێزار راهێنانێن وەرزشی ناکەت و کتێبان نا خوینیت و چالاکیێن نوی و جێواز ئەنجام نادەت، کو ئەڤ چەندە وی بەرەف بێ خیرەتیێ و بێ هێزیێ دبەت و حەز لسەر چ کارا نینن، حەزا ئاخفتنێ نامینیت دگەل چ کەسا، و هوسا خو دبینیت ژیانەکا ڤالا ژ ئارمانجا دبەتە سەری، یان بو ئارمانجەکێ بتنێ دژیت و هزر و دەرونێ وی داگیر کری بێی کو هزرا خو د گوهورینا روتینێ خو بکەت وەکی ئەنجامدانا راهێنانێن وەرزشی یان خواندنا کتێبا یان ژی سڤککرنا بارێ خو ب چەندین دەرکەفتنان.
هەر وەسا بێزاری دهێتە پێناسەکرن کو رەوشەکا دەرونی یە دبیتە ئەگرێ پەیدابونا رەوشەکا ناڤەکی یا نە جێگیر دا بو تاکە کەسی و دیتنا وی دهێتە گوهورین بو دیتنەکا رەشبینا گشتی. بێزاری دەربرینێ ژ هەستنەکرن ب چ تشتان یێ کو توشی مروڤی دبیت بو ماوێ چەند خولەکان یان چەند روژان و مەترسی د وێ چەندێ دایە کو ئەڤ بێزاریە دەمەکێ درێژتر ڤەکێشیت.
40 پێنگاڤ بو نەهێلانا بێزاریێ
- ئاخفتن دگەل هەڤالا سەبارەت ئەگەرێ بێزاریێ و دل تەنگیێ.
- کارلێککرن دگەل دەوروبەران یان دگەل هەڤالێن کەڤن دا، یان هندەک نیاس و نێزیکان، یان دگەل دان عەمران، و فێربون ژ کەسێن دەوروبەر هندی شیان هەبن.
- دویرکەفتن ژ روینشتا دگەل کەسێن بێزار یان رەشبین و ئەگەر مجبوری وێ رینشتنێ بوی هەول بدە هزرا وان بگوهورە بەرەف باشتر.
- چاڤدریکرنا تلەفزیونێ لدەمێ هه بونا بەرنامەکێ تایبەت بو دویر ئێخستنا تە ژ بێزاریێ، بەلێ پا روینشتنا بەرامبەر تلەفزیونێ و وەرگێرانا کەنالان بێی تەماشەکرنا چ تشتێ تایبەت دبیتە ئەگەرێ زێدەکرنا بێزاریێ.
- بەلاڤکرنا کەیفێ د دلێن دەوروبەرا دا، وەکی هاریکاری کرنا کەسەکێ پێدڤی، یان پسیارکرن لسەر رەوشا کەسەکێ.
- گوهورینا هزر و باوەریێن نێگەتیڤ ژ ژیانێ، گوهورینا وان دبیتە ئەگەرێ کونترولکرنا تاکە کەسی لسەر رەفتارێن وی و دبیتە پالدەرەک بو کوشتنا هەستێ بێزاریێ، و هزرکرن ب شێوەکێ پوزەتیڤ.
- گوهورینا هەستێ نێگەتیڤ یێ تاکە کەسی لسەر هندەک خوارنا کو وی حەز لسەر نەبن، چونکی دبیت مروڤ مەجبوری کرنا هنده ک کارا بیت کو ئەو بخو حەژێ ناکەت، بو نمونە قوتابیێ حەز لسەر خواندننا مادەکێ تایبەت نەبیت، یا فەرە هزرا خو لسەر بگوهوریت و بشێوەکێ برەوشتر بخوینیت و ب تشتەکێ جوان ڤە بەراورد بکەت داکو خوشیێ ب خواندنا وی مادەی ببەت.
- گوهورینا دیکورێ ناف مالێ یان پەرتوکخانا خو و زێدەکرنا تشتێن جوان ب رەنگێن گەش.
- ژێکڤەکرنا کارێن لسەرئێک مای ئەگەر ئەوبیت ئەگەرێ بێزاریێ و ئەڤ چەندە دبیتە ئەگەرێ بلەز ئەنجامدانا وان.
- هه ر ماوە ماوە ئارمانج بهێنە دانان و هه ولدان لسەر ئەنجامدانا وان.
- رێزگرتنا دەمی و رێکخستنا وی و بکارئێنانا دەمی بشێوەکێ درست.
- ئامادەکرنا خەیالەکا گەش بو پاشەروژێ و گەهشتن ب ئارمانجان، و بگارئینانا هه می رێکان بو گەهشتن ب ئارمانجان.
- هزرکرن د گەردونی دا ب بێدەنگی ئەڤ چەندە دبیتە ئەگەرێ ئیلهامێ بو مروڤی و گەلەک دەلیڤان بو وی دیاردکەت کو بەری نوکە هەست ب هەبونا وان نەدکر.
- خواندنا پەرتوک و چێروکا و ڤەدیتنا پێزانینێن نوی و خواندنا زانستێن جوراوجور.
- نڤیسین وەک نڤیسینا رومان و هوزانا یان نڤیسینا نامەکێ بو هەڤالەکێ دویر.
- وێنەکێشان بشێوەکێ هەرەمەکی یان رەنگ کرنا وێنێن ئامادەکری بو رەنگ کرنێ.
- ئەنجامدانا وان کاران یێن تە حەز لسەر هەی، و دویرکەفتن ژ وان چالاکیێن تە هەز لسەر نەبن، وەکی ئەنجامدانا کارێن دەستی یان هەر کارەکێ دی کو تە حەز لسەر کرنا وان هەبیت.
- کارکرن د بوارەکێ دی دا بشتی کارێ سەرەکی بو زێدەکرنا خەرجیا خو و دویرکەفتن ژ بێزاریێ.
- ئامادەکرنا خوارنێن جێواز و دکەل خێزانا خو پشکداریێ بکەن، یان ژی ئامادەکرنا خوارنێن تایبەت لدویف حەزا خو.
- گوهورینا هنده ک تشتێن روتینی وەکی خوارنا تێشتێ یان فراڤینێ ل جهێن جێواز دویر ژ جهێ هه ر جار.
- بخودانکرنا گیانەوەرێن کەهی ئەگەر جهێ بخودانکرنێ بو وان هه بیت یان ژی بخودانکرنا ماسی و بالندا و چاندنا روەکێن جوان.
- ژبیرکرن و دویرکەفتن ژ هزرێن ب ئازار و ئاستەنگان ، و هزرکرنەکا ئەرینی بو ژیانێ و چ جارا خو بدەست ئاریشان ڤە نەبەردەی.
- گوهدانا موسیقا تایبەت و موسیقێن جێواز و نوی.
- دیڤچونا تەکنولوجیا نوی و ئاستێ پێشکەفتنا وێ و خزمەتگوزاریێن وان و ڤەدیتنا نهێنیێن وان.
- لێگەریان د مالپەرێن جڤاکی دا و ڤەگوهاستنا هه ر تشتێ نوی بو هه ڤال و نیاسا.
- گوهورینا سەروبەری یان رەنگێن جلوبەرگا یان ژی رێکا شەکرنا پرچێ.
- ستران گوتن و گوهورینا بێزاریێ بو خوشی و کەیفێ ب گوتنا سترانەکا تایبەت.
- یاریکرنا یاریێن ب مفا وەکی شەترنج یان داهێنانا یاریەکا هزرێ دگەل هه ڤالا
مەرەما لابرنا بێزاریێ و ده رێخستنا یاریەکا برەوش.
- ڤیدیو کرنا دەمێن خوش یێن خێزانی وەکی روژێن ژدایکبون و دەمێن برەش و خوشی.
- یاریکرنا یاریێن انترنێتێ یێن بێ بەرامبەر ب مەرەما گوهورینا دەرونی بەرەف باشتر.
- تەماشەکرنا ڤیدیویێن ب مفا یان برەوش یان ژی چێروکێن ڤیدیوکری.
- ئەنجامدانا راهێنانێن وه رزشی بو ساخلەمیا دەماخی بو هزرکرنەکا ساخلەم و بو لەشەکێ ساخلەم.
- برەوش ئێخستنا دل و دەرونی ب وان کارێن خودێ رێ پێ دای وەکی کەیف و سحبەت و بو گوهورینا دەرونێ مروڤی و هاریکارە بو زڤرین لسەر کارێ خو ب خوشیەکا مەزنتر.
- بو دەمەکێ باش بنڤە، ئەگەر هەستێ بێزاریێ دەف تە پەیدابو داکو دەمێ هشیار دبی ب چالاکی کارێن خو ئەنجام بدەی.
- پلانەکێ بدانە بو گەریانەکێ بەرف جهەکێ چ جاران تە سەرەدان بو نە بربیت.
- بو شکاندنا روتینی د رێکێن جێوازرا هه رە سەر کاری و هەروەسا لدەمێ زڤرینێ ژی.
- خوارنێ ل خارنگەهێن جێواز و نوی بخو.
- دویرکەفتن ژ راکرنا تشتێن نەهێنە بکارئینان دادو لسەرئێک کوم نەبن و ژ بسەروبەرکرنا وان بێزار نه بی.
ئەگەرێن هەستکرن ب بێزاریێ
1- هه ستکرن ب وەستیانا مێشکی، ژ ئەگەرێ گرنگی نەدان ب تشتێن بچیک یێن تایبەت ب ئەرکێن مروڤی ڤە و دوبارەکرنا وان دبیتە ئەگەرێ بێزاریێ.
2- پێدڤیبونا مروڤی بو تشتێ نوی، کو هه ستێ کێماسیێ لدەف مروڤی پەیدا دبیت لدەمێ نەبونا تشتێ نوی.
3- پەیدابونا ئاریشان ب نەمانا گرنگیدانێ، یا بزەحمەتە مروڤ هەست ب گرنگیا تشتان بکەت لدەمێ دویرکەفتنا هزرێ.
4- کێماسی د هشیاریا مروڤی دا پترین ئەگەرێن بێزاریێ یە، کو ئاریشە د دەربرینا هەستێن خودا هه یە، هه روەسا د تێگەهشتانا وان تشتێن دبنە ئەگەرێ کەیفخوشیا وی.
5- شیان نەبن ژ بێزاریێ خلاس بیت، ئوژی برێکا پشتگیریکرنا مروڤی لسەر هاندانا دەرونێ خو بخو لدەمێ بەرزەبونا ئەگەرێن کەیفێ یێن تایبەت ب مروڤی ڤە.
6- هه ستکرنا مروڤی ب گرێدانێ و شیانێن ئەنجامدانا هەمی کارا نەبیت و ئەڤ ئەگەرە یێ تایبەتە ب زاروک و سنێلا ڤە چونکی ئەو بەشن یێن شیانێن کونترولکرنا وان کاران نینن یێن حەز لسەر ئەنجامدانا وان هەی.
7- کێم بێهن ڤەدان و نەرحەتی.
8- کێمبونا ئاستێ هاندانا مێشکی.
كەنگی بێزاری دێ یا بزیان بیت
بێزاری ئاریشەکە مەزنە و پێدڤی ب چارەسەریەکا موکوم هەیە، چونکی دبیتە ئەگەرێ توشبون ب ئاریشێن ئالوزتر، کو بێزاری دبیتە ئەگەرێ دیاربونا خەموکیێ ل خودانی و ئالوزیا بەردەوام، هەروەسا رێکێ بو کارێن خرابتر ڤەدکەت و وەرگرتنا عەدەتێن خراب وەکی دوژمناتی و ئالودەبون لسەر جگارەکێشانێ یان مادێن بێهوشکەر، دگەل دویرکەفتن ژ دەوروبەرا گرێدانا خو د بازنەکا گرتی دا، کێمبونا ئاستێ بەهرەمەندیێ و شارەزاییێن جڤاکی، بێزاری مروڤی بەرەف تێکدانێن خوارنێ دبەت و تاکە کەس بەرەف زێدە خوارنێ دچیت بو کێمکرنا هەستێ بێزاریێ، نزمبونا ئاستێ خواندنێ یێن ئەکادیمی و ژینگەهێن زانینێ.
بوچونا خو لسەر بابەتی بدە