پشتی مرنێ روح دچنە کیڤە

مرن :

مرن راستیەکە کو کەس نەشـئت رەت بکەت ، و هەمی تشت دئ مرن و چن ، زەنگین ، هەژار ، بئ هئز و لاوز ، یئ نەزان و زانا ، و نەبتنئ مروڤ هەتا مەلایکەت دێ مرن ، وەکی خودێ دبئژیت : ( كُلُّ نَفسِِ ذَائِقَةُ المَوتِ ) و لسەر پشت راستکرنئ کو مرن تشتەکئ راستە ، هەر مروڤ یئ بئ ئاگەهە ژ هاتنا وئ ، و د راستی دا مرنئ چ جهئن دەست نیشان کری نینن و چ دەمئن دەست نیشان کری نینن ، وەکی خودێ دبئژیت : ( وَمَا تَدريِ نَفسُ مَّاذاَ تَكسِبُ غَداً وَماَ تَدريِ نَفسُ بِأَي أَرضِ تَموتُ إِن اللهَ عَلِيمُ خَبِير ) . ژبەر هندێ دڤئت مروڤی ئاگەهـ ژ مرنا ژ نیشکەکئ ڤە هەبیت بەری سەر مروڤی را ببوریت ، و خو ئامادە کرن بو وان چرکان کو چ رئک بو رەڤینا وئ نینن، و خو ئامادە کرن بو مرنئ ب ارئن چاکە ، ئەوئن بەندە پئدڤی دبیتئ د چاڤپئکەفتنا خودای دا ، و چەند مئشك مەندەهوش ببیت و دل پئ تئک بچیت کو مرنئ چ ئەگەرئن دەست نیشان کری نینە و چەند مروڤ ژ مالا خو دەرکەفتینە ژ خەون و هیڤی یئن مەزن و پیلان بو پاشەروژا خو داناینە و هزر تئدا دکەت ، بەلـئ پا نازڤریتە مالا خو و مرن رئگریئ لئ دکەت و دزڤریتەڤە بو ئاخڤئ ، ژبەر هندئ پئغەمبەرێ مە سلاڤئن خودێ لسەر بن وەسیەتا لمە کری کو ئەم بیرا خو گەلەک ل مرنئ بینن ، دەمئ دبئژیت ( أكثِرُوا ذكرَ هادِم اللذَّاتِ ) دەمئ کو مروڤ هزر د مرنئ دا دکەت دێ لەزێ د کاری دا کەت و دێ خو ئامادەکەت بو چاڤپئکەفتنا دگەل خودایئ خوو ، 

هندەك کار کو مروڤ خو بو مرنئ پئ بەرهەڤ بکەت :

١- پاقژ کرنا نەفس و دەرونئ خو ژ شرکئ و دووریاتیئ ،

٢ -و هئلانا کارئن دنیایئ و خو گرئدان بخودایئ خوڤە ، 

٣ - و دعا کرن ژوی و هەبونا وی یا ئکانە و چ هەڤال و شریك بونە ،

٤ - و پاقژکرنا دلی ژ هندەك نەخوشیان وەکی : حەسیدیئ و خو مەزن کرنئ و دووریاتیئ ، و تەوبەکا ژدل لسەر هەمی گونەهـ و خەلەتیان ،

٥ - خو رئکوپئک کرن د عیبادەتی دا وەکی نڤئژن فەرز و روژیئن رەمەزانئ ،

جهـێ روحان پشتی مرنـێ :

پشتی مرنا مروڤی روحا مروڤی دهئتە ڤەگوهاستن ژ دنیایئ بو بەرزەخئ ، و بدوماهیک دهئت بەشەکئ ژیانا وی و دێ دەست ب ژیانەکا دی کەت ، و دراستی دا کو دنیایا بەرزەخئ ئک ژ بابەتئن غەیبی نە کو نەشئین چ شروڤەکرنا لسەر بدەین ، بەلئ پا دڤئت هەر ژئدەرەک هەبیت بومە لسەر باخڤیت ،بابەتئن غەیبی چ دەرفت بو مئشک و عەقلی نینن هزر تئدا بکەت و کیر بچیت ، بەلئ پا ئەم بشئین براوەستین لسەر قورئانا پیروز و فەرمودئن پئغەمبەری سلاڤئن خودئ لسەربن ،

پێناسا بەرزەخێ دزمانی دا : یئ بنەجەهە دناڤبەرا دوو تشتان دا ، و یئ قەدەغە کریە ژ تئکل بونا وان ، 

پئناسا بەرزەخ دشەریعەتی دا : قوناغا پشتی مرنئ  یە ئەوا دناڤبەرا دونیایئ و ئاخرەتئ دا ، و دەست پئ دکەت ژ دەمئ مرنئ هەتا دبیتە روژا دادگەهـ کرنئ کو روژا قیامەتئ یە ،

ئاخفتا بەرزەخ ب واتایا زمانی یا دقورئانا پیروز داهاتی دەمئ دبئژیت :

( مَرَجَ البَحَرينِ يَلتَقِيَانِ () بَينَهُماَ بَرزَخُ لاَّ يَبغِيَانِ )

و برامانا شەرعی : پەیڤا بەرزەخ یا هاتی دەف خودایئ مەزن دبئژیت ( لَعَليِ أَعمَلُ صَالِحاً فِيمَا تَرَكتُ کَلاَّ إِنَّهـَا کَلمَةُ هو قَائِلُهَا وَمِن وَارَائِهِم بَرزَخُ إلَی يَومِ يُبعثُونَ )

و دفەرمودەکا پئغەمبەری دا سلاڤئن خودێ لسەر بن دبئژیت ( إن القبر أول منارل الآخرة فإن نجا منهُ فما بعده أيسر منه وإن لم ينجُ منه فما بعده أشد منهُ ) ئانکو هندیکە قەبرە مالا ئکئ یا ئاخرەتئ یە ئەگەر ژ رزرگار بوو ئەڤا پشتی وئ تئت بسەناهیترە ژ وئ و ئەگەر نە قورتال بو ئەڤا پشتی وئ تئت خرابترە ژوێ ..

و یا خویایە کو کارئن مروڤی پشتی مرنئ دراوەستین بەلئ هندەك تشت نەبن کو مفایئ خو ژ دگەهینن و زیانا خوژی ، وەکی وئ فەرمودا عومەرئ کورئ خەتابی ژ پئغەمبەری سلاڤئن خودێ لسەر بن ڤەدگوهوئزیت دبئژیت ( إن المیت لیعذب ببكاء اهله علیه ) هندیکە مریە دهئتە عەزاب دان دەمئ مروڤئن وی لسەر دکەنە گری  ، و پئغەمبەری لسەر ئاخفتنا خو زئدە کر و گوت ، ( إذا مات الإنسان انقطع عنه عملهُ ، إلا من ثلاثة : إلا من صدقة جارية او علم ينتفع به ، او ولد صالح يدعو له ) ئانکو : دەمئ مروڤ مر دئ کارئن وی هەمی راوەستیئن ، بتنئ سئ کار نەبن : ئەگەر خئرەکا بەردەوام کربیت، یان زانین و زانستەک بەلاف کربیت و مفا ژئ بهئتە دیتن یان زاروکەکئ چاک هەبیت دوعایان بو بکەت، و پشتی هاتیە پشت راست کرن هەبونا ژیانا بەرزەخئ چپئنەڤئت نیشانەك دئ هەبیت کا رەوشا مروڤئن باوەردار و یئن گاور تئدا یا چاوایە ، و دراستی دا روحئن باوەر داران دهئن و دچن د بەهشتئ دا و تشتـئن جوان دبینن و کەیفئ ب بەرهەمئن وئ یئن خوش دکەن و کەیفئ دوئ بەهشتئ دا دبەن یا خودێ بو وان ئامادەکری ، وەکی پئغەمبەرێ خودێ سلاڤئن خودێ لسەر بن د فەرمودەکئ دا دبئژیت ( إنما نسَمةُ المٶمنِ طائرُ يُعَلقُ في شجرِ الجنه ختَّی يرجع إلی جسده يَومَ يُبعَثُ ( ئانکو هندیکە روحا باوەردارانە بالندەنە لسەر دارئن بەهشتئ هەتا کو رحا وان زڤریت ڤە لەشئ وان دا ل روژا دادگەهـ کرنئ ئانکو قیامەتئ ، و سەر زئدە کر کو روحـئن شەهیدان دبەرزەخئ دا چاڤەرئنە ، 

قـەبـر :

قـەبر ژ مەزنترین فتنا یە ، و بزەحمەت ترین تشتە مروڤ تئدا دەرباز ببیت ، ژبەر هندێ پئغەمبەرێ مە سلاڤئن خودێ لسەر بن هەمی دەما خو ب خودێ ژێ دپاراست ، وەکی دگوت ( اللهم إني أعوذ بك من عذاب جهنم و من عذاب القبر ) و هەروەسا ئەمر ب صەحابا دکر رازیبونا خودێ لسەر وان بیت کو ئەو خو ب خودێ ژ عەزابا قەبری ب پارئزن ، هندیکە قەبرە تاریاتیەکا کیرە و جهئ وئ ئاخە و چ گەرەنتی بو نینە ژێ خلاس ببت ، ئەگەر ئک هەبا ژئ خلاس ببا دا سەعدێ کورێ مەعازی بیت خودێ ژێ رازیبیت ئەوئ کو عەرشئ خودئ ژبەر وی لەرزیای و  ٧٠هزار مەلائیکەتان بەشداری د ڤەشارتنا ویدا کر و دەرگەهئن ئەسمانا بو وی هاتینە ڤەکرن ، د قەبری دا فتنەکا مەزنە و تاقیکرنا وێ نە وەکی تاقیکرنا ددونیایئ دایە ، 

پسیارێن دقەبری دا ژمروڤی دهێنە کرن : 

پشتی کو مروڤ دمریت دوو مەلایکەت دێ هئن و پسیار ژ مروڤی کەن ، ب سئ پسیاران : خودایئ تە کیە ؟ و ئاینئ تە کیشکە ؟ و پئغەمبەرێ تە کیە ؟ و ئەگەر تە ئەڤ بەرسڤە ب درستی دان ، دێ گازیەك ژ عەسمانا هئت و بئژیت بەندەیئ من راست گوت ، ئەوی ببنە دبەهشتئ دا و دەرگەهئن بەهەشتئ بو ڤەکەن ، و جلکئن بەهشتئ بکەنە بەر ، و ئەگەر تە بەرسڤ خەلەت دان : دێ گازیەك ژ عەسمانا هئت و بئژیت بەندەیئ من درەو کرن ، ئەوی ببنە دجەهنەمئ دا و دەرگەهئ جەهنەمئ بوو ڤەکەن و جلکئن جەهنەمئ بکەنە بەر ، 

ئەڤجا خو ئامادە بکە بو ڤان چرکان و دیرکەڤە ژ کارئن دبنە ئەگەرئ عەزابا قەبری .. وخودێ مە ب پارئزیت و الحمدلله رب العالمین...

admin | rebas zebari