مللەتێ ثەمودی
مللەتـێ ثەمودی :
هوزەك بو ژ هوزئن عەرەبا ، ئەوئن کو پەرستنا پەیکەرا دکر ، دەست پئکا وان دگەهنە سامئ کورئ نوح پئغەمبەر ، هاتینە ناڤ کرن بناڤئ ئک ژ باپیرئن وان ئەوژی : ثمودێ کورێ عامرێ کورێ إرمئ کورێ سامئ کورئ نوح پئغەمبەرە، خودایـئ مەزن پئغەمبەرەك بو هنارت داکو بهئنە سەر رئکا راست و دەست ژ پەیکەر پەرستنئ بەردەن ، ئەوژی صالح پئغەمبەرە سلاڤئن خودێ لسەر بن ، بەشەك بو ژ هوزا ثەمودی ، و گوتیە وان ( يا قومِ اعبدواللهَ مالكم من إلهِ غيرهُ ) ئانکو : گەلی مللەتئ من ، خودێ ب تنئ بپەرئسن ، ب راستی هەوە ژ وی پئڤەتر چو خودێ نینن.. وەکی وێ ئاخفتنئ یا هەمی پئغەمبەران گوتی نە دەست کاری تئدا دهئتە کرن و نەدهئتە گوهورین ، کا چاوا راستی نا هئتە گوهورین و دەست کاری کرن ،
سزایـێ مللەتـێ ثەمودی :
مللەتئ ثەمودی ژ هەژی سزای و عەزابا خودێ بون پشتی درئژاهیا وان سەر بئ باوەریا وان ب پئغەمبەرئ بو وان هاتی ، و کوفر پئکرنا ب پئغەمبەرئ خودێ صالح و موعجیزاتئن وی ، ئینا پئغەمبەرێ خودێ هوشداریەک دا وان ئەگەی ئەو باوەریئ پئ نە ئینن دئ عەزابا خودێ لسەر وان دا هئت ، ئینا خەلەک ما جاڤەرئ عەزابا خودایئ مەزن ، و دبئژن کو روژا ئکئ سەروچاڤئن وان زەربون ژ ترسئ و جاڤەرئ بونا وان بو عەزابا خودێ و ل روژا دویئ سور بون و ئەو یئ روژان دهەژمئرن ، و پاشی رەش بون روژا سئی ، هەتا کو بویە سپئدەهیا روژا چاڤەرئکری دەنگئ قئژیەکئ ژ عەسمانا هات و ئەرد لبن پئت وان لەرزی و مرنا وان گەهشت ، و روحئن وان هاتنە کئشان ژ عەزابا خودایئ مەزن ، و ئەو بونە کەلخئن مری و هشک بوی ، ئەڤجا خودایئ مەزن گوت : ( فَأَخَذَتهُمُ الرَجفَةُ فَأَصبَحوا في دارِهِم جاثِمِينَ )
پئغەمبەرێ خودێ صالح سلاڤێن خودێ لسەر بن :
ژیا هاتیە گوتن ژ ناسناما وی کو پئغەمبەرئ خودێ صالح کورێ عبید کۆرێ ماسح کورێ عبید کورێ حادر کورێ ثەمود کورێ عاثر کورێ إرم کورێ سام کورێ نوح پئغەمبەرە ، کو خودایئ مەزن بو مللەتئ ثمودی فرئکر بو ، کو ئەو هوزەکا ناڤدارە بناڤێ باپیرئ ثەمود برایئ باپیر "یس" ، و ئەو دوو کەسن ژ زوریەتا نوح پئغەمبەری سلاڤئن خودێ لسەر بن ،و هوزا ثەمود ئاکنجیئن دەڤەرا حیجازێ و تەبوکئ نە ، و ئەو ژ عەرەبانە ،و هاتیە گوتن کو پئغەمبەرێ مە سلاڤئن خودئ لسەر بن دگەل موسلمانا یئ برەخ گوندێ وانرا چوین دەمئ بەرەف تەبوکئ دچون بو شەرێ تەبوکئ ، و مللەتئ ثەمودی سەر وان هەمی نعەمەت و کەرەمئن خودێ دگەل وان کرین گوهداریا رئکا راست و درست نەگرت ، و باوەری ب خودێ نەئینا ، و خودایئ مەزن صالح پئغەمبەر بو وان فرئکی دا باوەریێ ب ئک خودای بینن و سوپاسیا خودای بکەن لسەر وان قەنجیئن داینئ ، و پەرستنا پەیکەران بهئلن ، بەلێ وان ، هەر باوەری نەئینا و کوفر ب پئغەمبەرێ بو وان هاتی کر ، و ئەو حئشترا کو موعجیزا پئغەمبەرئ وان بو سەر ژئکر ، و پئکولا کوشتنا پئغەمبەرێ خو کر ، ئینا خودایئ مەزن سزایئ تاوانئن وان دایئ و عەزابا خو لسەر وان دا کر ،
موعجیزا صـالح پئغەمبەر سلاڤئن خودئ لسەر بن :
هندەك خەلکئ مللەتئ ثەمودی درینشتی بون ل جهئت بئهنڤەدانئ دەمئ کو صالح پئغەمبەر دبەر وانرا چوی بیرا وان ل گازیا خو ئینا و داخاز ژوان کر باوەریئ ب خودایئ ئکانە بینن ، ئینا ئەوان ئیشارەت کرە کەڤرەکئ مەزن و گوتئ ئەگەر تو بو مە حئشتەرەکئ لدیف وەسفئت مە بیت یا ئەم دبئژین تو بومە ژ ڤی کەڤری بینیە دەر ئەم دئ باوەریئ ب گازیا تە و خودایئ ئکانە ئینین ، ئینا صالح پئغەمبەر چوو و دعا ژ خودئ کرن کو ئەو چئبیتیا ئەوان گوتی ، خودایئ مەزن ئەوموعجیزە دایئ و حئشترەک ژ کەڤری دەرکەفت و ل دیف وەسفئت وان گوتین ، ئەڤجا پشتی هینگی هندە ژوان باوەری ب صالح پئغەمبەر ئینا و هندەک ژوان هەی مانە سەر گاوریا خو و باوەری نە ئینا و نە راوەستیان هەتا کو حئشتر کوشتی ئەڤجا خودایئ مەزن عەزاب ب سەر وان دا ئینا و سئ روژان هئلانە د ترس و دوو دلیئ دا و ل پشتی هینگی ب دەنگئ قئژیەکا مەزن ل عەسمانا ئینا خار و ئەرد لبن پئت وان لەرزی و روحئن وان هەمی هاتنە کئشان داکو ببنە وانە بو مللەتئن پشتی وان دهئن و بزانن مەزنیا خودێ چەندە ...
admin | rebas zebari
بوچونا خو لسەر بابەتی بدە