رولێ ئافرەتێ د جڤاکی دا

رولێ ئافرەتێ د جڤاکی دا 

ئافرەت :

گەلەک جاران پەیڤا ئافرەت بو کچا گەهشتیە ژیێ تمامیێ، و پەیڤا کچ بو یێن بچیک دهێتە بکارئینان و زاروکێن یێن کو نه گەهشتیە ژیێ تمامیێ، و د هنده ک ده مان دا پەیڤا ئافرەت دهێتە بکارئینان وه ک دیارکرنەک بو تاکێ مێ دویر ژ تەمەنێ وێ وەکی دیار د پەیڤا مافێ ئافرەتێ، هه روه سا ئافرەت خودان گەشەکرنەکا سروشتی و تمامە و شیانێن دوگیانیێ و زاروکبونێ یێن هه ین د ژیێ پێگەهشتنێ دا

 هەتاکو  ژیێ بێ هیڤیبونێ، و چونکی خودێ مروڤ نێر و مێ ئافراندینە ب ئارمانجا ئاڤاکرنا ئەردی، و ببنە تمامکەرێن ئێک، یا فەرە گرنگیێ بدەینە رولێ ئافرەتێ د جڤاکی دا و هه روەسا د خێزانێ دا.

رولێ ئافرەتێ د جڤاکی دا

ئافرەتێ رولێ خو هەبویە د جڤاکی دا  هەر وەکی زەلامی، ئەو ژی د کەڤن دا هەتا نوکە، دایک بویە و جەنگاوەر و نوژدار و ئەندازیار و جوتیار و ماموستا بویە و گەلەک رولێن دی د هه می بوارێن ژیانێ دا هه بوینە و یا فەرە هندەک لایەنا دیارکەین  وه کی :

- بازرگانیێن بچیک: ئافرەتێ رولێ خو هەبویە د بازارا دا، کو رابویە ب بلندکرنا خەرجیا خێزانێ، ب تایبەتی ئەگەر ئافرەت هاریکارا سەرەکی یا خێزانا خو بیت.

- پەروەردەکرن: رولێ سەرەکی یێ ئافرەتێ لدور خێزانا وێ یە، ئەو بنیاتێ خێزانێ و چاک کرنا وێ یە، هه روەسا ئافرەت پەروەردکارا زاروکێن خو یه ژ تەمەنە کێ بچیک تاکو دبنە تاکێن چالاک و رولێ خو هه ی د جڤاکی دا.

- سیاسە ت : ئافرەتێ گەلەک بەشداری یێن د پلێن دەولەتێ کرین، هەروەسا مافێ بەشداریکرنێ هەبویە د دەنگدانان دا وەکی زەلامی، بەلێ هندەک وەلات هەتا نوکە رێگری د بەشداریکرنا ئافرەتێ دکەن د گەلەک بزاڤێن سیاسی دا و چەندین ئاستەنگان بەر وێ دانن.

- چاندن: ئافرەتا گوندان رولەکێ مەزن یێ هەی د کارێن چاندنێ دا، هه روەسا هاریکاریا خێزانا خو دکەت برێکا بخودانکرنا تەرش و تەوالی و چنینا بەرهەمان و فروتنا وان و گەلەک چالاکیێن دی یێن گوندا.

- نوژداری: لسەر هندێ را کو رێک ل ئافرەتێ هاتیە گرتن د کەڤندا کو کارێ نوژداریێ بکەت بەلێ پا کارێ پەرستاریێ دکر و رادبو ب دەرمانکرنا نەخوشان ب چەندین گیایێن سروشتی، و د ڤی دەمی دا ئافرەت یا د پێشبرکێیەکێ دا دگەل زەلامی د کارێ نوژداریێ دا.

- هێزێن چەکدار: ئافرەتێ چەندین رولێن لەشکەری یێن هەین، کو رێژا ئافرەتان د لەشکەری دا نێزیکی رێژا زەلامانە، رولێ جەنگاوەری و رولێ نوژدارا کارگێری وەردگریت و گەلەک لایەنێن دی یێن لەشکەری  و هێزێن چەکدار دا.

- رولێ ئافرەتێ د خێزانێ دا : دکەل رولێ ئافرەتێ د جڤاکیدا کو بشێوەکێ ئاشکرا کاریگەر دیارە، بەلێ یافەرە رولێ وێ یێ گرنگ د خێزانێ دا بهێتە بەحسکرن، ئەوێ کو ئەگەر ئەف رولە نەبا گەلەک ئاریشە دێ دیاربن نەبتنێ د خێزانێ دا بەلکو د جڤاکی دا ب تمامی، چونکی خێزان نەبتنێ کاکلکەکا بچیکە وەکی هندەک هزر دکەن، بلکو بریتیە ژ رێڤەبەریەکا مەزن وەچێن چاک دەرێخیت، هەر وەچەکێ رول و جهێ خو هەیە د جڤاکی دا، و هه ر کێماسیەک دەرحەقێ خێزانێ دا دێ گەلەک کارتێکرنێن خرابکەر ب سەر جڤاکی دا هێن.

هه روەسا دایک داهێنەرا سەرەکی یا خێزانێ یە و بەری هەر کەسەکێ دی، ئەو ژی ژ ئەگەرێ پێدڤیا زاروکی ب دایکێ پتر ژ بابی، چونکی باب پتریا دەمێ خو لسەر کارێن دویری خێزانێ دبورینیت بو راگرتن و هاریکرنا خێزانێ، ئەرکێ گرنگێ دایکێ پەروەردەکرنا زاروکێن خو یە داکو خو لبەر ئاستەنگێن ژیانێ بگرن و ئاڤاکرنا وان ئاڤاکرنەکا ساخلەم و چاک، و کارێن وان یێن دین و دونیایێ دەتە بەرچاڤ، دگەل  ئەنجامدانا هەمی ئەرکێن وێ بەرامبەر هەڤژینێ وێ.