گرنگیا خواندنا پەرتووکان بو تاکە کەسی و جڤاکی
گرنگیا خواندنا پەرتوکان بو تاکە کەسی و جڤاکی
خواندن و خواندنا پەرتوکان
خواندن و خواندنا پەرتوکان ئێکە ز ئامیرێن پێشکەفتنا ملەتان، و چ ملەت پێشناکەڤن بێی خواندن، و ئەو پێک و پەیسکەکا بهێز و فەرە و چێنابیت بهێتە ژدەست دان یان کار پێ نەهێته کرن، و دهێتە گوتن کو فیرعەونیا ئێکەم پەرتوکخانە دانابو و لسەر دەرگەهێ وێ نڤیسیبو (ڤێرێ جهێ خوارنێن دەرونی یە و نوژداریا مێشکی یە). هه روه سا خواندن ب فرمانا خودايێ مەزن هاتیە دان د قورئانا پیروز دا، و ئێکەم ئایەت بو پێغەمبەری(سلاڤ لسەربن) هاتیە خوارێ لسەر زمانێ جبریل ( سلاڤێت خودێ لسەر بن)
{ اقْرَأْ بِاسْمِ رَبِّكَ الَّذِي خَلَق* خَلَقَ الْإنْسَانَ مِنْ عَلَقٍ* اقْرَأْ وَ رَبُّكَ الْأَكْرَمُ} " صدق الله العضيم"
و د ڤێ راپورتێ دا دێ به حسێ گرنگیا خواندنێ که ین و کارتێکرنا وێ لسەر جڤاکی و هزر و ژیریا زاروکان.
گرنگیا خواندنێ بو تاکەکەسی و جڤاکی
دکەڤندا خواندن هاتیه نیاسین ب پرا گەهشتنێ بو دەولەمەندکرنا زانست و زانینێ لدەف مروڤی، کو د رێکا خواندنێ دا مروڤ دشێت گەلەک شارەزایی و پێشکەفتنا هه ستێ و جەستەی و گەلەکێن دی بدەست خو ڤە ئینیت،خواندن دەرگەهێ سه ره کیە بو گەهشتنا رێکێن زانستی و یێن نوی و ئاستێن بلند کو هیڤیێن نوی پێشکێشی تاکە کەسی دکەت. کومەلگەهێن پێشکەفتی و روناکبیر هه ردەم هه ول دایه جهێ خواندنێ و رێکێن خواندنێ دناف مله تی دا بەلاڤ بکەن بو بدەستڤە ئینانا پێزانینان بشێوەکێ ئاسانتر، چونکی ئەڤ چەندە نەبتنێ مفای دگەهینیتە تاکه کەسی بەلکو مفایە بو جڤاکی ژی و ژبەر ڤێ چەندێ رابوینە ب ڤەکرنا پەرتوکخانان و جهێن خواندنێ یێن گشتی.
هه روه سا گرنگيا خواندێ بو تاكه كه سى و جڤاکی یا د هندەک رویدانان دا کو دیاربوین د چێروکا پێغەمبەری دا (سلاڤێن خودێ لسەربن) پشتی شەرێ بەدرێ موسلمانان چەندین ئیخسیر برن و مەرجێ پێغەمبەری (سلاف لسەربن) ئەبو حەتا کو ئەو ئیخسیرە بهێنە ئازادکرن هه ر ئیخسیرەک دڤێت (١٠) ژ موسلمانان فێری خواندن و نڤیسینێ بکەت. دگەل بورینا دەمی و پێشکەفتنان یێن دگەل گورانکاریێن چەرخان خواندنێ رولەکێ گرنگ هەبویە بەرامبەر بەهرەمەندان بو گەهشتن ب ئارمانجێن خو و مفا وەرگرتن بو خو و دەوروبەران.
دەرهەقێ خواندنێ دا هاتیە گوتن کو دگەل تەمەنێ مروڤی چەندین تەمەنێن دی ددەتە مروڤی.
خواندن و گەشەکرنا مێشکێ زاروکی
سەبارەت دیارکرنا مفایێ خواندنێ لدەف تاکە کەسی و مفایێ وێ بو جڤاکی ئەڤ چەندە رێکێ دەت بەحسی گرنگی و پێدڤیا خواندنا کتێبا بکەین لدەف زاروکان ژبو گەشەکرنا مێشکی. وه کی دیار زاروکا یبشێوەکێ بەردەوام حەش گوهداریکرنا چێروکا کری یێن دەرگەهێن خەیالێ بو ڤەدکرن.
و لدەمێ زاروک گەشێ دکەت و مەزن دبیت ژ خواندنێ دویر دکەڤیت، و لسەر خێزانێ فەرە پێدڤیێن گرنگ بەردەست بکەن و کار ب وان ئەگەران بکەن یێن زاروکی هانده ن بو خواندنێ، ئەژی برێکا بابەتێن بالکێش و گرنگ بو زاروکی.
هەروەسا هه ولبدەن خواندنێ وەک کارەکێ برەوش و لدویڤ
حه زا زاروکی پێشکێش بکەن،کو چێنابیت خواندن ب تەعدایی بهێته ئەنجامدان، و خێزان دشێت دیاریان پێشکێشی زاروکی
بکەت یان ژینگەهه کا گونجای بو ئامادە بکەت بو هاندنانا وی لسەر خواندنێ و دگەل ڤێ چەندێ ئامادەکرنا ژینگەهە کا بێدەنگ بو خواندنا زاروکی و هاندانا وی بو نڤیسینێ وەک کارەکێ برەوش و دیف حەزا وی.
بوچونا خو لسەر بابەتی بدە