رێکێن ئامادەکرنا پتاتا

رێکێن ئامادەکرنا پتاتا

پێکهاتە:

1- کیلوگرامەکا پتاتا، پاقژکری و هویرکری بشێوێ تبلکان

2- سێ کاچکێن مەزن سرکە ( خەل)

3- خوێ

4- فلفلا رەش

5- زەیت بو قەلاندنێ

رێکا ئامادەکرنێ:

- پارچەکرنا پتاتێ و دانانا وان د ئامانەکێ دا، و زێدەکرنا رێژەکا ئاڤێ و سرکێ و خوێ لدویف حەزا خو. بو ماوێ 15 خولەکان بهێلە د وی تێکەلەی دا.

- پتاتان ژ وێ ئاڤێ بسەفینە.

- زەیتێ بو قەلاندنێ بدانە سەر ئاگری.

- پتاتا بکە د زەیتێ دا و دەمێ بشێوەکێ نیڤ قەلاندی ئامادە بون ژ زەیتێ بینە دەر و بکە د بەستیکرێ دا و پاشی جارەکا دی بقەلینە حەتاکو ب تمامی دقەلیێن و ژ زەیتێ بینە دەر و خوێ و فلفلا رەش بسەر وەرکە.

ئامادەکرنا پتاتا کەلاندی دگەل سەلسا گوشتی:

پێکهاتە:

1- سێ پتات.

2- فلفل و خوێ لدیڤ حه زا خو.

3- کاچکەکێ مەزن ژ نیڤشکی.

4- شیر چارێکا کوپی.

5- نیڤ کوپێ ئاڤێ.

6- کاچکەکێ بچیک نشا( ئارێ گەنموکا).

7- کاچکەکێ مەزن ژ صويا صوص.

8- ماجی پارچەک.

چاوانیا ئامادەکرنێ:

- پتاتێ سپی بکە و بکەلینە دگەل خوێ و فلفلێ .

- پتاتا بینەدەر ژ وێ ئاڤێ و دگەل نیڤشکی تێکەلی ئێک بکە، و شیری بکە دگەل.

- تێکەلێ پتاتا بکە د ئامانەکێ دا و سەلسێ بسەروەرکە.

سەلسە:

نشای بکە د نیف کوپێ ئاڤێ دا د ئامانەکێ دا سەر ئاگری تێگڤەدە دگەل پارچا ماجی و سویا سوسێ حەتا دکەلن دگەل تێگڤەدانا بەردەوام داکو سەلسە نەبیتە گومتل گومتل.