ساخلەمیا دەماخی

ساخلەمیا دەماخی

رێژەکا مەزنا تێکچون و نەساخیێن جێواز یێن هه ین کو کارتێکرنێ ل دەماخی دکەن، هەروەسا چەندین رێک یێن هه ین تاکە کەس دشێت بکاربینیت بو پاراستنا ساخلەمیا دەماخی:

1- دویرکە ڤتن ژ جگارەکێشانێ: جگارەکێشان دبیتە ئەگەرێ سەکتا دەماخی و ژئێک کێشانا لولێن خوینێ یێن دەماخی. 

2- پاراستنا ئاستێن سروشتی یێن پەستانا خوینێ، و کولیسترولی، و شەکرێ د خوینێ دا بو پاراستن ژ توشبون ب زەهایمەری ( تێکچونا هوش و بیرا)، و ژئێک کێشانا لولەیێن خوینێ د دەماخی دا، و سەکتێن دەماخی، و هه روەسا نزمکرنا پەستانا خوینێ و کوریسترولی ب رێکا کێمکرنا رێژا خوێ و زێدەکرنا رێژا ریشالێن روەکی د سیستەمێ خوارنێ دا.

3- پاراستنا ساخلەمیا دلی: رەقبونا خوینبەرێن دلی پەیوەندی یا ب سەکتا دەماخی قە هەی، و ژئیک کێشانا لولێن خوینێ یێن دەماخی. دگەل چەندین ئاریشێن دلی وەکی: نەرێکخستنا لێدانێن دلی، و تێکچونێن لولێن کوریونی یێن خوینێ بو دلی دبەن، و هه ودانێن دلی یێن کو دبیت ببیتە ئەگەرێ سەکتا دەماخی.

4- دیڤچونا رێنمایێن ساخلەمی یێن گشتی: و ەکی گرێدانا قاویشا سلامەتیە د ترومبێلان دا، و لبەرکرنا کولاڤی لدەمێ هاژوتنا پایسکل و ماتور .. هتد دا، کو مەترسیا توشبون و برینداربونا سەری کێم دکەت.

5- راهێنانێن وەرزشی: ئەنجامدانا راهێنانێن وەرزشی دبیتە ئەگەرێ کێمکرنا رێژا کولیسترولی و پەستانا خوینێ، هاریکاریا رێکخستنا کێشا لەشی دکەت.

6- بێهنڤەدان:  بوراندنا دەمێن خوش، وەکی گوهدانا موسیقێ یان تەماشەکرنا تلەفزیونێ ل دوماهیا روژەکا تژی وەستیان.

7- نێزیکبون ژ کەسێنئەرینی بشێوەکێ بەردەوام، و دویرکەفتن ژ کەسێن نەرینی ، و بوراندنا دەمێن درێژتر دگەل هەڤالان هاریکاریا ساخلەمیا دەرونی و مێشکی.

8- دویرکەفتن ژ ڤەخوارنا کحولی، ڤەخوارنا کحولی یا خرابە بو ساخلەمیا دەماخی، دبیتە ئەگەرێ نەرحەتی و خەموکیێ.

9- دەستنیشانکرنا ئارمانجێن درێژ خایەن لسەر ئاستێ کەسایەتی و کاری بو  گەهشتن ب وان ئارمانجان، دبنە ئەگەرێ کێمبونا نەرحەتیێ و ئالوزیێ و زێدەبونا باوەری ب خوبونێ.

10- نڤێسانا بیرهاتن و پارچە هوزانان و کارلێکێن مروڤی دگەل ریدانێن ژیانێ  هاریکاریا زێدەکرنا ساخلەمیا مێشکی دکەن.

11- بەردەوام فێری تشتێ نوی ببە و دەماخێ خو بێخە ژێر کارتێکرنا پێشبرکێ بو  بهێزکرنا هزرێ، ده ماخێ چالاک پەیوەندیێن نوی ب دەمارە خانان دکەت کو رێکێ دەتە دەمارە خانان پەیوەندیێ ب ئێک بکەن، و ئەڤ چەندە هاریکاریا کومڤەکرنا پێزانینان ڤەگەراندنا پێزانینا بشێوەکێ ئاسانتر  دویر ژ تەمەنێ مەزن یان بجیک، و دشیاندایە فێری تشتێ نوی بی وەکی ژەنینا ێامیرێن موزیکێ. گوهورینا کارێ خو و ڤەدیتنا کارەکێ دی. دەستبێکرنا وێنەگرتنێ یان سیاربونا پایسکلان یان وێنەگرتنا فوتوگرافی یان بیستانکاری. فێربونا زمانەکێ نوی، فێربونا زمانێن جێواز دبیتە ئەگەرێ دویرکەفتن ژ پیراتیا زوی. به ردەوام ئاگەهدار لسەر رویدانێن ژیانێ. فێربونا لێنانا خوارنێ.

12- هاندانا دەماخی بشێوەکێ بەردەوام و چالاک کرنا هزرێ و چارەسەرکرنا ئاریشان؛ چونکی دەماخێ نەبکارئینای وەکی ماسولکێن خاڤ و لاواز دبیت و شیانێن کارکرنا وی کێم دبیت. و ژ وان تشتێن دەماخی هانده ن: گەشتکرن، و سەرەدانا موزەخانان، و خواندنا پەرتوکان و روژنامان یان ژی گوڤارا، یاریکرنا شەترنج و پەیڤێن ژێک پچیای. و ژەنینا ئامیرێن موزیکی، و یاریا سودوکو، و کارێ دەستی وەکی وێنە کێشان، و رەنگ کرن، و هونەرێ سیرامیک ، و  دویرکەفتن ژ بکارئینانا ئامیرێن ژمێریاری د شیکارکرنا برسیارێن بیرکاری. 

13- ئه نجامدانا نویروبیکسێ: زانا لورانس جیم کاتز ماموستایێ زانستێ دەماران د بنگەهێ نوژداری یێ زانکویا دیوک پەیڤا نویروبیکس بکارئینا. ئه وژی سیسته مه کێ جێوازە ژ راهێنانێن دەماخی وەکی چونا کاری د رێکەکا جێواز را، و لبەرکرنا جلوبەرگان بشێوەکێ چاف گرتی، هه لگرتنا موبایلێ ب دەستەکێ و شیشتنا ددانان ب دەستێ دی. چونکی دەماخ یێ پێدڤیە بو وەرگرتنا داخوازی و پێزانینان بشێوەکێ جێوازتر ژ یێ تو لسەر فێربوی. و دانانا ئەرکێن جێواز ژ یێن روژانە دبیتە پالدەرەک بو بهەزکرنا دەماخی.