روەکێ قە بار یان (الکبار)
مفايێن روەکێ قە بار یان (الکبار)
ئەڤی رەکی گەلەک ناڤێن هەین کو دبیت ب کوردی ژی ناڤێ تایبەت هەبیت. و دشیان دایە د باخچێن ناف مالا بهێتە چاندن ژ ئەگەرێ شیانێن وێ بو خو لبەر گرتن و خو گونجاندن دگەل هەمی جورێن ژینگەهێ و ئاخێ برێکا بەلاڤکرنا توڤێ وێ.
روەکێ قەبار
روەکەکێ تەمەن درێژە و روەکەکێ چەق درێژە و بسەر دیوار و پەرجانا دکەڤیت و هەروەسا چەقێن وێ ب ستری نە گولێن وێ رەنگ سپی نە و ماوێ گول دانا وێ درێژ دبیت تاکو 5 هەیڤان دەست پێ دکەت ژ هەیڤا 5 ، فێقیێ وێ وەکی شمتی نە بەلێ زور بچیکن و کەسکن و ناڤا وێ سورە و تژی توڤێ رەشە.مفایێن روەکێ قەبار
- ترشیێ قەباری : فێقیێ وێ یێ گەهشتی دهێتە کوم کرن و شیشتن و دکەنە ئامانەکێ شیشە دا و ئاڤێ دکەنە سە ر بو هەر گلاسەکێ ئاڤێ کاچکەکێ خوێ و هوسا حەتا کو ئاڤ بسەر وی بەرهەمی دکەڤیت و باش دهێتە گرتن و راکرن بو ماوێ دوو حه فتیان،و دهیتە بکارئینان بو زێدەکرنا تامەکا خوش ل خوارنان وەک جورەک ژ بهاراتان .
- گولێن قەبارێ بشێوەکێ بەردە وام یێن هەین لەورا ئەو کەسێن مێشا ڤەدگرن رادبن ب بەلاڤکرنا توڤێ وێ داکو مێشێن هنگڤینی لسەر دادەن و هنگڤینەکێ باش بەرهەم بینن.
- بەلگێن قەبارێ یان رهێن وێ دهێنە بکارئینان بو نەخوشیێن فقراتا و ئینزیلاقێ؛ رھ یان بەلگێن وێ دهێنە کوم کرن و دهێنە هویر کرن ب خەلاتێ دگەل رێژەکا کێم یا ئاڤێ، و دانە سەر جهێ ئێشانێ یێ فقراتا بو ماوەکێ زێدەتر نەبیت ژ 45 خولەکان لدویڤ شیانێن نەخوشێ چەند خو لبەر سوتنا وێ گریت چونکی یا تیژە و گەرماتیێ دەت، بشتی راکرنا وی تێکەلەی ب ئاڤا تەزی بهێتە باقز کرن .
- رهێن قەبارێ دهێتە بکارئینان بو کێمکرنا ئێشانا ددانان برێکا دانانا وێ لسەر ددانی یان جوینا بەلگێن وێ.
- بشکوژێن وێ یێن نە ڤەبوی دهێنە راکرن دناف خە لێ دا و دهێنە بکارئینان بو خوشکرنا تاما مریشک یان ماسیێ لدەمێ لێنانا وان .
- قەبار دهێتە خوارن دناف خه لێ دا یان ژی دکەل هنگڤینی، وەک هاندەرێ میزێ کار دکەت و ئاریشا دویر کەفتنا زڤروکا هەیڤانە چارە دکەت، هەر وەسا رادبیت ب کوشتنا مارکێن ریڤیکا دا.
- ئەو کەسێن رێ پێ ناهێتە دان ڤی روەکی بخون ئەڤە نە : ئافرەتێن دوو گیان و زاروک و کەسێن ئاریشێن دلی هەی هه ر وەسا نەخوشێن شەکرێ.
بوچونا خو لسەر بابەتی بدە