چەرخێن بەری مێژویێ
چەرخێـن بـەری مێــژویێ :
چەرخێن بەری مێژویێ دهێنە نیاسین ب وان چەرخان یێن کو نڤیسین ب مروڤایەتیێ را گەهشتین ل نێزیکی سالێن 3200 بەری زاینی ، کو زنجیرەیەکا جیل و مروڤێن جودا جودا نە د مێژویێ را دەرباز بوین د وی وەختی دا ، و زانایێن دیروک نڤیس ئەڤی دەمی دابەش دکەنە سەر سێ بەشـان ،
چەرخێ ئێکێ : چەرخێ بەری
چەرخێ دوویێ : چەرخێ برونزی
چەڕخێ سێیێ : چەرخێ ئاسنی
و ئەڤ دابەش کرنا پتر پشت بەستن پێ هاتیە کرن ژلایێ ڤەکولەرێن شینوارێن مێژویێ ڤە و وان شینوارێن ڤەدیتن کو بەلگەیێ ددەنە سەڕ هەبونا وان چەرخان و زانینا وی وەختێ ئەو تێدا ژیاین ، و ئەڤ چەرخە ب ڤان ناڤان هاتینە ناڤکرن ژ ئەگەرێ وان ڤەدیتنێن کانزای یێن وان بو ئێکەم لسەر ئەردی بکارئینای ،
چەرخێ بەری :
ئەو چەرخە یێن کو مروڤا تێدا بەر بکارئیناین بو پەیداکرنا پێدڤیاتیێن ژیانا خو ، و بکارئینانا بەری ژبو پاراستنا گیانێ خو ژ هەر مەترسیەکا هەبیت و هەر وەسا بو نێچیرکرنا خارنا خوو ، ئەڤ چەرخە بەردەوام بوو ب نێزیکی ملیون یان نیڤ ملیون سالان ، و ئەوژی یا دابەش کریە سەر سێ بەشان ، چەرخێ بەری یێ کەڤن و چەرخێ بەری یێ نوی و چەرخێ بەری و کانزایا کو دبیتە دوماهیکا ئەڤی چەرخی ، ژبەر کو هێدی هێدی مروڤان بەرێ خو دا کانزایا ،
چەرخێ برونزی :
ئەو چەرخە کو تێدا کانزا دەرکەفتین بو ئێکەم جار لسەر رویێ ئەردی کو ل دەست پێکێ ل روژهەلاتی دەرکەفت و پاشی بەلاڤ بو بو روژئاڤای ، ئەما ئەفریقیا راستەوخو ژ بەری چوو ئاسنی ، و ئەڤ چەرخە بەردەوام بو هەتا چەرخێ نەهـێ بەری زاینی . کو تێدا مروڤان نوحاس دەرێخست و چێکرنا برونزی ،
چەرخێ بەری :
ئەڤ دوماهیک چەرخە بەری مێژویێ یە ، و د ڤی چەرخی دا ئاسن هاتە دیتن و بکارئینان دگەلەک بوارێن ژیانێ دا ، ژ هەمیا گرنگتر د چێکرنا چەکی دا ، و ئەڤ چەرخە بەردەوام بوو هەتا دەرکەفتنا نڤیسنێ و مێژویێ ،
نڤیسین : رێـبـاز زێـبـاری
بوچونا خو لسەر بابەتی بدە