عبدالباسط عبدالصمد
عبدالباسط عبدالصمد :
قورئان خوینەکئ بناڤودەنگ ی مسری یە ، ئکە ژ زیرەکترین قورئان خوینین دەنگ خوش ، ل سالا ١٩٢٧ ل باژئرئ ئەرمەنت پارئزگەها قینا ل وەلاتئ مسرئ یئ ژدایك بووی ، بابئ وی کورد بوو و دایکا وی خەلکا مسرئ بوو ،
ژیانا وی :
دژیئ ٧ سالیئ دا گەلەك قورئان ب باشی دخاند و شیانئن وی بو ژبەرکرنا قورئانئ بهئز بون ، ژبەر هندێ بەری بگەهیتە ژیئ ١٠ سالیئ شیا قورئانا پیروز هەمیئ ژبەر بکەت ، و ژبەرکو بابئ وی ژ زانایئن ئاینی یئن باژئرئ قینا بو گرنگیەکا تایبەت پئددا ژبەر وئ خاندنا باش و دەنگئ خوشئ وی هەی ، ئەڤجا هنارتە پەیمانگەها ئاینی ل باژئرئ ئەرمەنت و لئرئ فئری شئوئن خاندنئ و زانستئن قورئانا پیروز بوو ، و جهئ سەرنج راکئشیئ و گرنگی پئدانئ بو ژلایئ ماموستایئ وی زانایئ ئەزهەری محمد سەلیم حەمادە کو دگەل خو دبرە ئاهەنگ و بیرەوەریئت ئاینی ژبەر هدێ عبدالباسط بوکەسەکئ بناڤو دەنگ هەر دژیئ ١٥ سالیئ دا ، هەتا وەلئ هات ئەوی بتنئ ل بیرەوەریئت ئاینی بانگ ددا ،
کارکرن ل رادیو و بیرەوەریا :
ل سالا ١٩٥١ دا شئخ الضباع داخاز ژئ کر ببیتە قورئان خوین ل رادیویئ ، بەلئ عبدالباسط دەست پئکئ ئەڤ داخازە رەت کر ، شئخ الضباع ئەندامئ لیژنا هەلسەنگاندنئ دەنگ و تاقیکرنا قورئان خوینا بوو ل رادیویئ ، بەلئ پشتی هینگی رازی بوو ، ماموستا عبدالباسط دژیئ گەنجینیئ دا ژیانا هەڤژینیئ یا پئک ئینای ، و ل سالا ١٩٥٢ دگەل ئەندامئن خئزانا خو باژئرئ ئەرمەنت یئ بجهـ هئلای و یئ چویە قاهیرەیئ و ل وئرئ ئاکنجی بووی ، پشتی دەست بکارکرنا ل رادیویئ ل قاهیرە هەتا سالا ١٩٨١ ل مزگەفتا ئیمام شافعی هاتە دامەزراندان ، پاشی هاتە ڤەگوهوساتن بو مزگەفتا ئیمام حسئن و گەلەک ئاهنگەئن قورئانئ ئەنجام ددان ل مزگەفتئن قاهیرەیئ وەکی مزەگەفتئن : سیدە زەینەب ، سبەتان ئەبو عەلی ، مزگەفتا الرفاعي ، سالا ١٩٥٢ چوو وەلاتئ فەرەنسا بو ساخ کرنا شەڤئن رەمەزانئ ل مەلبەندێ ئیسلامی ، شاهـ محمد یئ پئنجئ پاشیئ مەغرب هەڤالینی و پەیوەندیەکا باش هەبو دگەل عبدالباسط و داخاز ژئ کر کو بهئتە مەغرب و وئرئ ئاکنجی ببیت ، بەلئ ئەوی ئەڤە رەت کر و گوتئ کو ئەز نەشئم وەلات و خەلک و کەسو کارئن خو بهئلم ،
ئەو کەسئن کو کارتئکرنا خو لسەر کرین :
ماموستا عبدالباسط عبدالصمد دوو کەسان کارتئکرنا خوو یا ل سەر کری :
ماموستا محمد رەفعەت
ماموستا موستەفا ئیبراهم قورئان خوینئ کوچکا شاهانە ،
وەفات کرنا وی :
ماموستا بدرئژاهیا ژیانا خوو خودانئ نەخوشیا لاوزیا جگەرئ ( مئلاك ) ئ بوو بەلئ ئەڤئ چەندئ مەترسی سەر ژیانا وی دروست نەکربو ، ل تەمەنئ ٦١ سالیئ دا دچیتە بەر دلوڤانیا خودێ ،
گەشتئن وی بو جیهانئ :
سالا ١٩٥١ سەرەدانا وەلاتئ سعودیئ کر ب مەبەستا حەج کرنئ ، و پشتی جەند سەردانەکا لسەر داخازیا وەزارەتا راگەهاندنا سعودیئ ختما قورئانئ تومارکر ، و چەند سەردانەك بو وەلاتئن عەرەبی یئن کرین وەکی : ( سوریا، لبنان، جەزائیر کوئت ) هندەك سەراندانئن وی لسەر داخازئن وەزارەتا ئەوقافئ بون بو ساخ کرنا بیرەوەریئت ئاینی ، و هندەك ژی سەر داخازیئن تایبەت بوون ،
لسەر داخاز کرنا مەلبەندێ ئیسلامی ل جوهانسبئرگ دوو جاران سەرەدانا باشورئ ئەفریقیا یا کری ، و پتر ژ دوو هەیڤان یئل وئرئ مای ، و هەروەسا سەرەدانا ( پاکستان و ئەندنوسیا و بورما و مالیزیا و بریتوریا و ئوگاندا و سینگال و نەیجیریا ) یا کری و پشکداری یا کری دهندەك کونگرئن ئاینی دا ، و گەلەك سەردان بو ئەمریکا ژی یئن کرین ، ئکەم سەرەدانا ویژی ل سالا ١٩٦٧ لسەر داخازیا مەلبەندێ ئیسلامی ل واشنتون کو تئدا پتر ژ ١٤ویلایەتئن ئەمریکی سەرەدان بو کر ، هەروەسا سەرەدانا هندەك وەلاتئن ئەوروپا ژی یئن کرین وەکی : فەرەنسا ، ئیسپانیا ، بریتانیا .
خەلاتئن رئزگرتنئ :
باوەرناما رئزگرتنئ ژلایئ وەزارەتا راگەهاندنا مسرئ ل سالا ١٩٣٨
مەدالیەك ژلایئ سەروک وەزیرئ سوریئ پئ هاتە دان ل سالا٩ ١٩٥
مەدالیەك ژلایئ سەروك کومارێ مالیزیا پئ هاتە دان ل سالا ١٩٦٥
مەدالیایا ژهەژی ژلایئ سەروکئ سینگال پئ هاتە دان ل سالا ١٩٧٥
مەدالیەکا زئری ل پاکستانئ وەرگرت ل سالا ١٩٨٠
مەدالیایا زانایا ژلایئ سەروکئ پاکستانئ زیائولحەق پئ هاتە دان ل سالا ١٩٨٤
مەدالیا ژهەژی ژلایئ سەروكئ مسرئ حوسنی موبارەك پئ هاتە دان ل سالا ١٩٨٧ ،
تومارئن وی یئن قورئانی بو رادیویئن عەرەبی :
ختما قورئانئ بو کەنالئن مسری و سعودی و کوئت و مەغرب ،
admin | rebas zebari
بوچونا خو لسەر بابەتی بدە