گهیشک (الزعرور - Hawthron)

گهیشک: درێژیا دارا وێ دگەهیتە (7.5) مترا، و گولێن بێهن خوش دەن دناڤبەرا مەها نیسان و حوزەیرانێ دا، بشێوێ دەستکێن مەزن، دبیت رەنگ پیڤازی بن یان سپی، و پاشی بەرهەمەکێ دەن کو فێقیەکێ قەبارە بچیکە بناڤێ گهیشک یێ رەنگ زەر یان سور، و خودان بەلگێن قەبارە و شێوە جێوزن.

مفایێن گهیشکا:

گەلەک مفایێن ساخلەمی یێن هەین و ئەڤە هندەک ژ وان مفا؛

- کێمکرنا مەترسیا توشبون ب لاوازیا دلی: ئەنجامێن14 دیڤچونان یێن لسەر توشبویێن لاوازیا دلی هاتیە کرن، و گوڤارا Cochrane database of systematic, یا سالا 2008 دیارکریە کو گهیشکێ کاریگەریا خو یا هەی بو کێمکرن ژ لاوازیا دلی و کێمکرنا دیاردێن لایەکی یێن نەخوشیا لاوازیا دلی؛ ژوان ژی بێهن تەنگی و دل رابون، بەلێ یا فەرە بهەتە زانین کو دبیت خوارنا گهیشکا دگەل هندەک جورە دەرمانێن دلی دبیت کارتێکرنێ دگەل ئێک بکەن لەورا یا فەرە شیرەتکاریا نوژدارێ تایبەت بهێتە وەرگرتن لدەمێ خورانا وان دگەل دەرمانین دلی.  هەر وەسا کارلێکێ دگەل هندەک دەرمانین دلی دکەت کو دبیتە ئەگەرێ زێدەبونا چونا خوینێ بو دلی و دبیتە ئەگەرێ گێژبون.

-کمکرنا تێکچونێن  ئالوزیێ: کو چەندین خواندن و دیفچونان دیار کریە خوارنا گهیشکا یان تشتەکێ کو مادێن وێ تێدا بن دبیتە ئەگەرێ گورانکاریێن دیار لسەر نەخوشێن تێکچونێن ئالوزیێ هەبن.

- چاک کرنا زڤروکا خوینێ و ئاریشێن وێ.
- کێمکرنا هنگافتنا ماسولکا .
- چاک کرنا تێکچونێن سیستەمێ دلی.
- هاریکارە بو کێمکرنا ئێش و ئازاران.

هندەک مفایێن زانستی یێن گهیشکێ:

- مادێ ئیثانولی یا د ئاڤا فێقیێ کهیشکێ دا هەی هاریکاریا کێمکرنا رێژا کولیسترولی دکەت دناڤ خوینێ دا، و هەر وەسا گلیسیریدێ سیانی، ئەو ژی برێکا کێمکرنا مژینا کولیسترولی برێکا ریڤیکان کو ئافکێن زەر پتر دەردەن.