باشترین جورێن بهاراتا بو خوارنا

بهارات

بهارات دهێنه هەژمارتن ژ گرنگترین مادێن کو دهێنه بکارئینان د هه می لێلانگەهان لدور جیهانێ، کو تامه کا خوش و و جێواز دەتە خوارنێ، هەر وەسا هندەک ژ وان دهێنە بکارئینان بو ئامادەکرنا چەند تێکەلان بو جوانکاریێ دهێنە بکارئینان یان وەک چارەسەری، ئەبەژی ژبەر پێکهاتا وێ کو ژ چەندین مادێن ب مفا یێن تێدا بو مروڤی ، دێ گرنگترین بکارئینانێن وان د خوارنێ دا دەینە دیارکرن د ڤێ راپورتێ دا ..

باشترین جورێن بهاراتان د خوارنێ دا

فلفلا رەش:

فلفلا رەش دهێتە هەژمارتن ژ گرنگترین جورێن بهاراتان کو زێدە دهێتە بکارئینان لدور جیهانێ هەمیێ، کو یا جێوازە ب تاما خو یا تیژ، و دشیاندایە د ئامادەکرنا خوارنان دا بهێته بکارئینان چ بشێوێ توز یان لسەر شێوێ توڤکێن گروڤر و نە قوتای، ئیشارەت پێ هاتیە دان کو فلفلا رەش وەک چارەسەری بکارهاتیه د چەرخێن کەڤن دا، یێن ژ هەمیا گرنگتر نەخوشیێن بوریکێن هەوای د سیهان دا کو چەندین ڤیتامینا بخوڤە دگریت ژ وان ژی ڤیتامین (C) هەروەسا ریشالێن خوراکی و چەندین بەشێن دی یێن خوارنێ.

دارچین:

دارچین یا جێوازە ب شیانێن بکارئینانا وێ د ئامادەکرنا خوارنێن سویر و شریناهیان دا، ئەوژی ژ ئەگەرێ دانا تامەکا جێواز و خوش بو خوارنان،بو نمونە زێدەکرنا وێ لسەر شریناهیێن سێڤێ، مهەلەبیە،و شوکولاتا و کێک و چەندین خوارنێن دی، هەر وەسا بکارئینانا وێ دگەل مریشکێ یان گوشتێ سور، لسەر شێوێ دارکانە یان توز، و یا فەرە بدەینە دیارکرن کو دارچین یا ب مفایە بو حەلاندنا چەوریان و کێمکرنا کێشا لەشی، کو کولیسترول تێدا نینن، بەلکو ریشالێن خوراکی بخوڤە دگریت، و کاربوهیدرات، و پروتین و چەندین مادێن دی یێن خوراکی.

کەمون:

کەمونێ تامەکا جێوازا هەی وەک تاما ئاخێ و ترشاتی، یاکو تامەکا جێوازدەتە خوارنان ، کەمون یا بشێوێ توڤکێن بچویکە کو دهێنە قەلاندن و پاشی دهێنە قوتان بو  توز. ژ گرنگترین مفایێن کەمونێ هاریکاریا نەهێلانا وەرمینا زکی و غازاتا دکەت لەورا یا فەرە بهێتە زێدەکرن لسەر خوارنێن نیسک و نوک و باقل و یێن دی، و کەمون دهێتە هەژمارتن ژ بهاراتێن سەرەکی ل وەلاتێ تورکیا.

باربیکا:

گەلەک کەسێن هەین پتر باربیکا بکاردئینن ژ بهاراتێن دی ئەوژی ژبەر تاما وێ یا سڤک و رەنگێ وێ یاکو رەنگەکێ جوان دەتە خوارنێ، ئەوژی پێکهاتیە ژ فلفلا سور یا بژارتی و هشک کری و هویر کری، و ئەڤ بهاراته ب دوو تمان یێن هەین شرین یان تیژ کو لدویڤ حەزا مروڤی دمینیت کیشک ژ وان بکاربینیت، کو گەلەک دهێتە بکارئینان دگەل مریشکا بژارتی یان شوربێن گوشتی و چەندین خوارنێن دی.

کاری:

بهاراتا کاری دهێتە هەژمارتن ژ بناڤودەنگ ترین بهارات کو ل دەڤەرێن باشورێ ئاسیا دهێنە بکارئینان وەکی هندستان، و ئەندەنوسیا، و مالیزیا و یێن دی. ئەوژی تێکەلەکە ژ چەند جورە بهاراتێن جێواز  وەکی کورکوم، و کوزبەرا، و خوێ، و کەمون و هندەکێن دی، و کاری ب دوو جورا یە شرین یان تیژ، کو گەلەک دهێتە بکارئینان د خوارنێن مریشک و زەرزەواتی دا.