ئەو کیبو خال "نقاط" داناينە لسەر پیتان
مێژویا زمانێ عەرەبی :
عه‌ره‌بی ژ زمانێن که‌ڤنێن سامى یه، باشترین و زێده‌تر به‌لاڤە بوویه، هه‌ر ده‌م رێزا ئێکێ یا جیهانێ بوویه و نوکه ژى ئه‌وه، و گرنگترین تشت ئه‌وه ئه‌و زمانێ قورئانا پیروزه، کەڤنترین نه‌خشه و ده‌ست نڤیسێن گەهشتینە مە هه‌مى ب ڤى زمانى هاتینه نڤێسین، و ئەو که‌سێ لێ دگه‌ریێت دێ بینت کو ئه‌ڤ زمانێ ته‌خه‌ت بوو و بێ خال دهاتە نڤێسین، و دهێتە زانین کو دسەدەمێ جاهلیەتێ دا ئێکەم جار خال هاتبنە بکارئینان، و ئه‌ڤه ئه‌گه‌رەکە کا ئەرێ عه‌ره‌با ژ به‌رى وى ده‌مى خال دزانین یان نه، خال دانانه سه‌ر پیتان دا کو جوداهى دناڤبه‌را پیتان دا هه‌بیت، هنده‌ک دبێژن ئه‌وا ژبه‌ر ڤى ئه‌گه‌رى ئه‌و د زانین، باشترین به‌لگه ژى ئه‌وه کو هه‌ڤالێن پێغه‌مبه‌رى ل سه‌رده‌مێ ئیسلامێ فه‌رمان کرن قورئان بێ خال و بێ نقتە بێته نڤێسین، که‌سێن دى دبێژن کو عه‌ره‌بان ل وی دەمی نقتە و خال نه‌دزانین، به‌لگێ وی ژى قورئانا عوسمانی یه، یێ د سه‌رده‌مێ ئیسلامێ دا، ل ده‌ستپێکێ دا.
دگەل ڤەبوونا دەولەتا ئیسلامێ و هاتنا گەل و کەلتۆرێن جودا د دینێ ئیسلامێ دا، هەر گەلەک ژ ڤان گەلان قورئان ب شێوازێ خو دخاند. ئەڤە بوو ئەگەرێ ترس ل ناڤ موسلمانان دا پەیدا ببیت کو تەرس ژ گوهورینا پەیڤان یان ژ گوهورینا هەر تشتەکی د قورئانا پیروز دا ب رێکا گۆتنێ یان ب شێوازێ خاندنێ . ئەڤ چەندە بوو ئەگەرێ خەمێ بۆ حەجاجێ کور یوسڤی ، ئینا ئەوی ئیشارەت دا زانایان و کەسێن دەست خەتیێ دکەن کو ئەڤێ چەندێ چارە بکەن ؟ بۆ چارەسەرکرنا ڤێ کێشێ و پاراستنا قورئانا پیروز ژ خەلەتی و گوهورینێ.
زانا و مێژوو نڤیس نە دئێک دەنگن لسەر ئێکەم کەسێ کو خال داناینە لسەر پیتان، هندەک دبێژن عەلى كورێ ئەبى تالیب یە ئێکەم کەس خال داناین ، و هندەک دبێژن ئەبوو ئەل ئەسوەد ئەل دوئەلى یە، یێن دى دبينن نەسڕ كورێ عاسێم ئەل لەیثى یە، كومەک ژ وان دبێژن عەبد ئەلرەحمان كورێ هەرمز ئەلمەدەنى یە، یا گرنگ هەر کەسەکێ ئەڤ کارە کری ، مەرەما وی پێ ئەو بویە پەرتوکا خودێ بپارێزیت ژ بەرزەبونێ، ب پاراستنا زمانێ وێ ژ خەلەتیان ، لەورا دبیتن ئەبوو ئەل ئەسوەد ئەلدوئەلى ئەوى حەرەکە چێكر بن ل سەر پیتا ژ زەمێ و كەسرێ و فەتەحێ، بەس دانانا نوقتەیان ل سەر پیتا، بو جوداكرنا پیتێن وەکی ئێک ژ باء و تاء و یاء، نەسڕ كورێ عاسێم ئەل لەیثى رولەکێ مەزنتر هەبوو، وەکی زانا و مێژوو نڤیسێن عەرەب و موسلمانان دبێژن.
نەسەبێ نصر بن عاصم الليثي :
نصر بن عاصم بن عمرو بن خالد اللیثى كناني ژ عه‌شيره‌تا به‌نى كه‌نانه بوو، فه‌قيه‌كێ خودان شیان وزانابوو ب زمانێ عه‌ره‌بى، باشترين زانين هه‌بوو، ئه‌و ژ قوتابیێن ئه‌بو ئه‌سود ئه‌دؤلى يێ كه‌نانى بوو، و ئارمانج ژ وى كارى وه‌كی مه گۆتى به‌رى نوکە بو پاراستنا زمانێ قورئانا پيرۆز بوو، نصرێ لیثى قوتابى هه‌بوون يێن ناڤدار ئه‌وان ژی ژێ زانينەکا زێده وه‌رگرتبوون د زمان و ئه‌ده‌بیاتێ دا، ژ وانا عبدالله ئه‌لحه‌زرەمی
نڤسین : rebas faysal
بوچونا خو لسەر بابەتی بدە