شەرێ کوسوڤو دەولەتا عثمانی 1389
شەرێ کوسوڤا یان "قوسوڤو" :
شەڕێ قۆسۆڤۆ (ب ناڤێ قۆسۆڤۆ، کۆسۆڤۆیا نها) شەڕەک بوو ل ١٥ی حوزەیرانا ١٣٨٩ / ٢٠ی جومادەلئاخرا ٧٩١ی کۆچی د ناڤبەرا لەشکرێ عوسمانی و لەشکرێن خاچپەرێست یێن پێکهاتی ژ لەشکرێ سربستان و ئەلبانیا ب سەرکردایەتیا پاشایێ سربستانێ ستیڤان ئۆرۆسێ پێنجێ، روودا. شەڕ ل جهەکێ بناڤێ دەشتا قۆسۆڤۆ (کۆسۆڤۆیا نها) روودا، کو دکەڤیتە نێزیکی ٥ کیلۆمەتران (٣.١ میل) ل باکورێ رۆژئاڤایێ باژێرێ پریشتینایا نوو.
پاشایێن ئەورۆپا ژ بەرفرەهبوونا دەولەتا عوسمانی کو د ناڤ قاڕەیا ئەورۆپی دا بەلاڤ ببوو حەتا گەهشتیە سنورێن دەولەتا سرب و بلگار و ئەلبانیا و ژ هەموو ئالیان ڤە دەور ل قوستەنتینیێ دابوو، بێزار ببوون. لەوا نامە بۆ پاپای هنارتن و داخوازا هاریکاریێ ژێ کرن، وی ژی بانگەوازیا پاشایێن ئەورۆپا بۆ شەڕێن خاچپەرێستی یێن نوو کر. د وی دەمی دا، پاشایێ سربستانێ هێرش کرە سەر ئەدرنێ و مورادێ ئێکێ ل وێرێ نەبوو. دەمێ ب هێرشێ حەسیای، ڤەگەڕیا و شەڕ دگەل سربان کر و ئەو شکاندن. ناکۆکی د ناڤبەرا عوسمانی و ئەورۆپیان دا بۆ دەمەکێ بەردەوام بوون حەتا کو سرب و بلگاران پەیمانەکا ئاشتیێ دگەل دەولەتا عوسمانی مۆرکر بەرامبەر پاراستنەکا سالانە کو ددانێ.
سربان پەیمانێن خۆ شکاندن و هەڤپەیمانی دگەل ئەلبانیا دژی عوسمانیان کر، و هەردوو ئالی ل قۆسۆڤۆ گەهشتنە ئێک. شەڕ ب توندی دەستپێکر و گەرم بوو و سەر هاتنە فراندن، و شەڕ د ناڤبەرا هەردوو ئالیان دا بەردەوام بوو حەتا کو "ڤوک برانکۆڤیچ" دگەل دەه هزار سیاران (و "ڤوک برانکۆڤیچ" زاڤایێ پاشایێ سربستانێ "لازار" بوو) ڕەڤی و چوو د ناڤ لەشکرێ موسلمانان دا. لەوا بارێ شەڕی لسەر سربان زڤڕی و لازار بریندار بوو و هاتە گرتن، پاشی عوسمانیان کوشت و سەرکەفتن.
ترس و کارەساتێن وی شەڕی د بیر و هزرێن سربان دا مانە حەتا دوماهییا سەدێ بیستێ، دەمێ سەرۆکێ وی دەمی یێ یوگوسلاڤیایێ سلۆبۆدان میلۆشێڤیچ ل سالا ١٩٨٩ د گۆتارەکا ئاگرین دا کو پڕ بوو ژ پاشخانێن دیرۆکی، ڕاگەهاندی کو دوماهیێ ب ڕەوشا ئۆتۆنۆمیێ دئینیت یا کو هەرێما بۆسنە و هەرسک حەتا وی دەمی هەبوو، ئەڤ چەندە بوو ئەگەرێ زوی هەلکرنا شەڕێ ناڤخۆیی یێ یوگوسلاڤی ل سالا ١٩٩١ ب ڕاگەهاندنا سەربەخۆیا هەردوو کۆمارێن سلۆڤینیا و کرواتیا ژ دەولەتا فیدرالی یا یوگوسلاڤی. پاشی شەڕێن نوی یێن بەلقان دەستپێکرن و گەهشتنە بۆسنە و هەرسک و پاشی کۆسۆڤۆ، و ئەو شەڕە ب دوماهی نەهاتن حەتا گەهشتینە ڕێککەفتنەکێ کو سربان ب نەچاری ئیمزا کری و تێدا سەربەخۆیا هەمی وان کۆماران و هەلوەشاندنا دەولەتا کەڤن یا یوگوسلاڤیایێ هاتە پەسەندکرن.
بوچونا خو لسەر بابەتی بدە