نێچیرڤان بارزانی :

 نێچیرڤان ئیدریس مستەفا شێخ محەمەد بارزانی (ل 21 ئەیلولا 1966 ل بارزان ژدایکبوویە)، سیاسەتمەدارەکێ کوردێ عیراقی یە، سەرۆکێ هەرێما کوردستانا عیراقێ یە. ئەو نەڤیێ مستەفا بارزانی یە، دامەزرێنەرێ پارتی دیموکراتی کوردستان، و خاوەنێ بەکالۆریۆسێ یە د زانستێن سیاسی دا. ئەو کورمامێ سەرۆکوەزیرێن کوردستانێ مەسرور بارزانی یە.

ژدایکبوون و ژیانا وی :

"نێچیرڤان ئیدریس بارزانی" ل سالا 1966 ل گوندێ چیایی یێ بارزان ژدایکبوویە. ئەو نەڤیێ رێبەرێ کورد و دامەزرێنەرێ پارتی دیموکراتی کوردستان مستەفا بارزانی یە. بابێ وی ئیدریس بارزانی بوو، کو ئێک ژ دیارترین رێبەرێن پارتی بوو.

چالاکیا وی یا سیاسی : 

نێزیکی 25 سالانە کار د کاروبارێن سیاسی یێن هەرێما کوردستانێ دا کریە، ل سالا 1975 د دەما دەستهەلاتا سەدام حسێن دا دگەل خێزانا خۆ کۆچبەرێ ئیرانێ بوو. ل زانکۆیا تارانێ زانستێن سیاسی خواندینە، و بوو چالاکڤانەک د رێزێن رێکخراوێن کوردی دا و ب لەز پێشکەفت د رێزێن پارتی دیموکراتی کوردستان دا ژبەر خزماتیا وی دگەل مەسعود بارزانی، ل کۆنگرێ دەهێ یێ پارتی ل سالا 1989 بوو ئەندامێ مەکتەبا سیاسی یا پارتی دیموکراتی کوردستان و ل کۆنگرێ دوازدێ یێ پارتی یێ ل سالا 1999 هاتیە گرتن ژ نووڤە هاتە هەلبژارتن، و ل سالا 1996 بوو جێگرێ سەرۆکوەزیران د حکومەتا هەرێما کوردستانێ دا. ئەوا پشتی هەلبژارتنێن گشتی یێن ل هەرێمێ ل سالا 1992ێ هاتینە ئەنجامدان پێکئینای. و ل سالا 1999ێ وەک سەرۆکێ حکومەتێ هاتە ڕاسپاردن و د هەمان دەمدا پۆستێ جێگرێ سەرۆکێ پارتی دیموکراتی کوردستان ژی وەرگرت.

کاندیدکرنا وی وەک سەرۆکێ حکومەتێ: 

نێچیرڤان بارزانی دەست ب کارێن خۆ کر وەک سەرۆکێ حکومەتا هەرێما کوردستانێ ل حوزەیرانا 2014ێ. و نێچیرڤان بارزانی سەرۆکاتیا هەردوو کابینەیێن پێنجێ ژ سالا 2006ێ هەتا 2009ێ و کابینەیا حەفتێ ژ 2012ێ هەتا 2014ێ وەرگرت، و ل سالا 2016ێ ب کۆم دەنگان هاتە کاندیدکرن بۆ سەرۆکاتیا حکومەتێ ب کابینەیا وێ یا هەشتێ هەتا نوکە، ئەڤە ژی ب کۆمبوونا جڤاتا سەرکردایەتیا پارتی دیموکراتی کوردستان بوو.

کاندیدکرنا وی وەک سەرۆکێ هەرێما کوردستانێ:

پارتی دیموکراتی کوردستان ب سەرۆکاتیا مەسعود بارزانی بڕیاردا کاندیدا وی بکەت بۆ پۆستێ سەرۆکێ هەرێما کوردستانێ د کۆمبوونەکێ دا کو پارتی ل هەولێرێ ل ڕۆژا دووشەمبی 3ی کانونا ئێکێ 2018ێ ئەنجامدا. 

وێنەکێ نێچیرڤان بارزانی دگەل سەروک مەسعود بارزانی

نڤیسین : رێباز فیصل