یانەیا ریال مەدرید

 ریال مەدرید :

 یانا شاهانە یا مەدرید یا تەپا پێی (ب زمانێ ئیسپانی: Real Madrid Club de Fútbol) کو ب ناڤێ ریال مەدرید دهێتە نیاسین، یانەیەکا تەپا پێی یا پرۆفیشناڵا ئیسپانی یە ل 6ی مارسا 1902ێ هاتیە دامەزراندن، بارەگایێ وێ ل پایتەختێ ئیسپانیا، مەدریدێ یە. د خولا ئیسپانی دا یاریێ دکەت و هاتیە هەلبژارتن وەک باشترین یانەیا تەپا پێی ل سەدێ بیستێ، و 36 جاران خولا ئیسپانی بريە (ژمارەکا پێڤانەیی)، و بیست جاران کاسا شاهێ ئیسپانیا و ژمارەکا پێڤانەیی تۆمارکریە ب بدەستڤەئینانا 15 نازناڤان د خولا یانە پاڵەوانێن ئەوروپا دا. هەروەسا ئێک ژ ئەندامێن G-14 بوو بۆ یانەیێن پێشەنگ ل ئەوروپا، یا کو نها هاتیە هەلوەشاندن و کۆمەلا یانەیێن ئەوروپی جهێ وێ گرتی.

یانە ب هێز ل سەر گۆڕەپانا تەپا پێی یا ئەوروپی و ئیسپانی د ماوێ پەنجیێن سەدێ بیستێ دا دەرکەفت، و ل هەشتیێن هەمان سەدەی، ئەڤ یانە ئێک ژ باشترین تیمێن وەرزشی ل ئەوروپا هەبوو، کو ب ناڤێ "پێنجینا بازی" (ب زمانێ ئیسپانی: Quinta del Buitre) دهاتە نیاسین، ئەوا دوو جارێن لسەرئێک خولا ئەوروپی - کاسا ئێکەتیێ یا وی سەردەمی - و پێنج نازناڤێن خولا ئیسپانی بدەستڤەئیناین.

و جارەکێ کاسا ئیسپانیا، و سێ کاسێن سوپەر یێن ئیسپانی. ئێکە ژ سێ یانەیێن ئیسپانی یێن چ جاران ژ خولا پلە نایابا ئیسپانیا دانەکەفتین، ل گەل ئەتلەتیک بلباو و بەرشەلۆنا، هەروەسا ئێکە ژ یانەیێن خودان بەر‌فرهـترین بنکەیێ جەماوەری ل سەرانسەری جیهانێ. یانە ب ڕکابەرییا خوە یا دێرین ل گەل یانەیێن بەرشەلۆنا و ئەتلەتیکۆ مەدرید ژی بناڤ و دەنگە، ڕکابەرییا ئێکێ ب ناڤێ کلاسیکۆ (ب ئیسپانی: El Clásico)، و یا دووێ ب ناڤێ دێربییا مەدرید (ب ئیسپانی: El Derbi madrileño) دهێتە نیاسین.

تیم هەمی یاریێن خوو یێن فەرمی ل یاریگەها سانتیاگۆ بێرنابیۆ ل پایتەختێ مەدرید دکەت. ئەڤ یانە ژ گەلەک یانەیێن دی ل سەرانسەری جیهانێ جودایە، ژ بەر کو خودانییا وێ بۆ ئەندامێن یانەیێ (socios) ڤەدگەڕیت، ئەوێن کو ب هەلبژارتنا سەرۆکەکی کو نوینەراتییا وان دکەت، کار و بارێن یانەیا خوە بڕێڤە دبەن، هەر ژ دامەزراندنا یانەیێ ل سالا 1902ێ. ل 23 کانوونا ئێکێ 2000، فیفایێ ئەڤ تیما ئیسپانی وەکو "باشترین یانەیا سەدێ بیستێ" هەلبژارت، پاشی ئێکەتییا ناڤدەولەتی یا مێژوو و ئامارێن تەپاپێ ل 11 گولانا 2010ێ وەکی باشترین یانەیا ئەورۆپی ل چەرخێ بیستێ هەلبژارت. یانەیێ ل سالا 2004ێ میدالیایا شایستەبوونێ ژ فیفایێ وەرگرت، هەروەسا ئێکەتییا ناڤدەولەتی یا ناڤبری ڕیال مەدرید وەکو باشترین یانەیا جیهانێ ل سالا 2015ێ هەلبژارت کر.  ئەوا تێدا لیستا یانەیێن خولا ئەورۆپا یا تەپاپێ ژی هەروەسا ئاماژە پێدای .

ریال مەدرید مەزنترین یانەیە ژ لایێ هەژمارا جەماوەری ڤە، لدیڤ ڤەکۆلینەکا زانکۆیا هارڤارد ل سالا ٢٠٠٧. هەروەسا نوکە دەولەمەندترین یانە دهێتە هژمارتن ل جیهانێ لدیڤ بودجەیا سالانە، و بلندترین یانەیە ژ لایێ بهایی ڤە، کو بهایێ وێ ب نێزیکی ١.٤ ملیار یۆرۆ دهێتە تخمینکرن، و داهاتەکێ زۆر د سالا ٢٠١١ دا بدەستڤە ئینایە، کو ب نێزیکی ٤٣٨.٦ ملیۆن یۆرۆ هاتبوو تخمینکرن. داهاتێ یانەیێ لدیڤ لیستا دیلۆیت بۆ وەرزێ ٢٠١٤-٢٠١٥ گەهشتە ٥٧٧ ملیۆن یۆرۆ و د پلەیا ئێکێ دا بوو بۆ یانەیێن تەپاپێی. و ل سالا ٢٠١٥، کۆڤارا فۆربس بهایێ ڤێ یانەیێ ب نێزیکی ٣.٢٤ ملیار یۆرۆ تخمین کر، کو دبیتە ٣.٦٥ ملیار دۆلار، دگەل جێگیریا قازانجێن وێ یێن سالانە ل نێزیکی ٥٧٧ ملیۆن یۆرۆ.

دپنج هەیڤێن دەست پێکێ دا زێدان شیا کاسا قارامانێت ئەوروپا یا ١١ بدەست ڤە بینیت بو ریال مەدرید

سێ یانی یا دەورێ ابطال اوروبا یا زێدانی ( 2016 - 2018 ) :

 ل رێکەفتی 4ێ کانوونا دووێ یا 2016ێ، هاتە ڕاگەهاندن کو زەینەدین زیدانی پۆستێ ڕاهێنەریا تیمێ وەرگرت، و ئەڤە ئێکەم پۆستێ وی یێ ڕاهێنەریێ بوو پشتی ب دوماهیک ئینانا کاروانێ خوە یێ یاریزانیێ (د تیمەکا پلە ئێک دا). زیدانی بەری هنگی وەک شیرەتکارێ کارلۆ ئەنچیلۆتی کار کربوو بەری هاتنا بینیتێزی، و ئەزموونەکا کورت یا ڕاهێنەریێ دگەل تیما ریال مەدرید کاستیا دەرباز کربوو. د ئێکەم یاریێن یانەیێ دا ل ژێر سەرپەرشتیا زیدانی، وان ب ئەنجامێ 5-0 ل یانەیا دیپۆرتیڤۆ لاکۆرۆنیا بر، ل رۆژا 9ێ کانوونا دووێ یا 2016ێ. و ل 28ێ گولانێ، یانەیێ بۆ جارا یازدێ نازناڤێ خولا یانەیێن پاڵەوانێن ئەوروپا بدەستڤە ئینا، دەمێ کریستیانۆ ڕۆناڵدۆی گۆلا سەرکەفتنێ ب لێدانەکا پەنەلتیان تۆمارکری، ل دژی ئەتلەتیکۆ مەدرید.

و ل وەرزێ ل پەی، 2016-2017، تیمێ دەستپێکا خوە ب برنا نازناڤێ جاما سوپەرا ئەوروپی ل سەر حسابا هەڤوەلاتیێ خوە سێڤیلیایێ ب ئەنجامێ 3-2 پشتی دەمێ زێدەکری کر. پاشی تیمێ ل دوماهیا سالا 2017ێ نازناڤێ جاما جیهانی یێ یانەیان ل سەر تیما کاشیما ئەنتلەرزی یا ژاپۆنی ب چار گۆلان بەرامبەر دوو گۆلان پشتی دەمێ زێدەکری بدەستڤە ئینا، و نیڤا ئێکێ یا وەرزێ بێی هیچ شکەستنەک د هەمی پێشبڕکیان دا ب دوماهیک ئینا، دا کو زیدان وی ڕیکۆردی بشکێنیت یێ ب ناڤێ هۆلەندی لیۆ بینهاکەر تۆمارکری وەک پترین ڕاهێنەرێ کو تۆمارا خوە بێی شکەستن پاراستی د دیرۆکا ریال مەدرید دا، کو گەهشتیە 34 یاریێن ل دویڤ ئێک  ژ ئوکتۆبەرا 1988ێ حەتا نیسانا 1989ێ) کو یێ فەرەنسی ل دەهێ کانوونا ئێکێ یا 2016ێ شکاند ب سەرکەفتنا لسەر یانا دیپۆرتیڤۆ لاکۆرۆنیا د خولێ دا، و ژمارا خۆ د مۆندیالا یانەیان دا بهێزتر کر و گەهاندە 37 یاریان، و سالا 2016ێ ب سێ نازناڤێن کیشوەرى ب دوماهی ئینا: خولا یانە پاڵەوانێن ئەورۆپا، کاسا سوپەرا ئەورۆپی و کاسا جیهانیا یانەیان، و د رێزبەندیا خولێ دا ب جوداهیا چار خالان ژ نێزیکترین ڕکابەر ل پێشیێ بوو، و تۆمارەکا نایاب کو د درێژاهیا سالەکا تمام دا بتنێ دوو خوسارەتی تێدا بوون، دا کو زیدان سالا خۆ یا ئێکێ دگەل تیمێ ب سەرکەفتنەکا مەزن ب دوماهی بینیت.

و دگەل دەستپێکا 2017ێ، تیم خۆ بۆ ڕووبرووبوونا یانا ئیشبیلیایێ، دووەما خولێ، ئامادە دکر کو د چار یاریێن خۆ یێن ئێکێ یێن سالێ دا سێ جاران دێ یارى کەن، دوو ژ وان ل یاریگەها ڕامۆن سانچێز پیزخوان ل ئیشبیلیایێ بوون. د یارییا خۆ یا ئێکێ یا سالێ دا، ڕیالێ لسەر ئیشبیلیایێ د چۆنا قۆناغا هەشتێ یا کاسا شاهێ ئسپانیا دا ب ئەنجامێ 3-0 سەرکەفت، پاشی د خولێ دا ب ئەنجامێ 5-0 لسەر گرانادایێ سەرکەفت دا کو هەڤڕکییا ژمارا پێڤایی یا ئسپانی بکەت د هژمارا یاریێن لدووڤ ئێک بێ خوسارەتی د هەمی پێشبڕکییان دا، کو لسەر ناڤێ ڕکابەرێ وان بەرشەلۆنا ب 39 یارییان تۆمارکری بوو (ئەو زنجیرا ڕیالێ ب خۆ دگەل زیدانی ل نیسانا 2016ێ ڕاوەستاندی)، پاشی ڕیالێ ئەو ژمارە شکاند ب وەکهەڤبوونا دگەل ئیشبیلیایێ د یارییا زڤڕینێ یا کاسا شاهی دا د یارییەکا ب حەماس دا کو ب ئەنجامێ 3-3 ب دوماهی هات. داکو بگەهیتە یارییا چلان ل دیڤ ئێک، و یانا ئیشبیلیایێ ب خۆ ئەو ژ بهێزکرنا ژمارێ بێبار کر پشتی ل خولا ئیسپانی ب ئەنجامێ ٢-١ د خۆلەکێن داویێ دا سەرکەفتی.

و پشتی کش و ڤەکشەکێ د پشکا دویێ یا خولێ دا، تیمێ داوی یاریا خۆ ڕۆژا ٢١ێ گولانا ٢٠١٧ێ دژی یانا مەلەگا کر، کو بتنێ ئێک خال بۆ سەرکەفتنا فەرمی ب نازناڤێ لیگایێ کێم بوو. ستێرێ وێ کریستیانو ڕۆنالدوی شییا گۆلەکا زوی تۆمار بکەت، پاشی کەریم بێنزیمای د نیڤا دویێ دا گۆلەک تۆمار کر و ڕیال مەدرید شییا بۆ جارا ٣٣ د دیرۆکا خۆ دا (ڕیکورد) و بۆ ئێکەم جار ژ ٥ وەرزان ڤە، ب تایبەتی ژ وەرزی ٢٠١١-٢٠١٢، نازناڤی ب دەستڤە بینیت.

و پشتی وێ ب کێمتر ژ دوو حەفتییان، «ڕیالا زێدانی» نازناڤێ خولا یانەیێن پاڵەوانێن ئەورووپا بۆ خەزینەیێن خۆ زێدە کر پشتی د یارییا دوماهیێ دا ب ئەنجامێ ٤-١ ل یانا یوڤێنتوس یا ئیتالی سەرکەفتی (ڕۆنالدوی دوو گۆل، گۆلەک ژی بۆ کاسیمێرۆی و ئێک  مارکۆ ئەسێنسیۆی)، و ب ڤێ چەندێ تیما زێدانی پشتی بتنێ ماوێ وەرزەک و نیڤان دا چەندین ژمارەیێن پێڤایی شکاندن. دگەل دەستپێکا وەرزی ٢٠١٧-٢٠١٨، تیمێ لسەر هەمان ئاستی بەردەوام بوو یێ وەرزی بوری پێ ب دوماهیک ئینای و شیا ناسناڤێ جامی سوپەرێ ئەوروپی ٢٠١٧ ژبەر مانچێستەر یونایتد ب دەستخوڤە بینیت ب گۆلێن کاسیمیروی و ئیسکوی. و ل دوماهییا وەرزى، تیم بوو خودانا ناسناڤێ چامپیۆنزلیگێ بۆ جارا سیێزدێ د مێژوویێ دا و جارا سێیێ لدیڤ ئێک (ڕیکوردەکا نوی).

ل ٣١ێ گولانێ، بتنێ پێنج ڕۆژان پشتی برنا چامپیۆنزلیگێ، زێدانی دەست ژ کار کێشانا خۆ وەک ڕاهێنەرێ ڕیال مەدرید ڕاگەهاند، و ئاماژە دا کو یانە "پێتڤی ب گوهۆرینێ یە" وەک ئەگەرەکێ لۆجیکی بۆ چۆنا خۆ. ل ١٢ێ حزەیرانێ، ڕیال مەدرید جولێن لۆپێتێگی، ڕاهێنەرێ هەلبژارتیێ ئیسپانیا، وەک ڕاهێنەرێ خۆ یێ نوی دەستنیشان کر. هاتە ڕاگەهاندن کو دێ ب فەرمی بیتە ڕاهێنەر پشتی جامی جیهانی ٢٠١٨، لێ ئێکەتییا تەپا پێ یا ئیسپانی لۆپێتێگی ژ کاری دەرێخست، و ئاماژە دا کو وی دگەل یانەیێ دانوستاندن کرینە بێی کو ئاگەهداریا وان بکەت. 

لوگویێ یانەیێ سالا 1902

لوگویێ یانەیێ سالا 1908

لوگویێ یانەیێ سالا 1920

لوگویێ یانەیێ سالا 1931

لوگویێ یانەیێ سالا 2001

نڤیسین : رێباز فیصل