کاسا جیهانی "کاس العالم"
کاسا جیهانی :
کاسا جیهانی یا تەپاپێی یان کاسا جیهانی یا فیفایێ (ب ئنگلیزی: FIFA World Cup) گرنگترین پێشبڕکا وەرزشا تەپاپێیێ یە کو ل ژێر سەرپەرشتیا ئێکەتیا ناڤدەولەتی یا تەپاپێیێ دهێتە کرن. قەهرەمانیا کاسا جیهانی هەر چار سالان جارەکێ ژ سالا ١٩٣٠ێ وەرە دهێتە کرن، ژبلی قەهرەمانیێن سالێن ١٩٤٢ و ١٩٤٦ کو ژبەر شەڕێ جیهانیێ یێ دووێ هاتنە هەلوەشاندن. د سیستەمێ نها یێ قەهرەمانیێ دا ٣٢ هەلبژارتیێن نیشتیمانی پشکدار دبن، ژ سالا ١٩٩٨ێ وەرە، کو دابەشی سەر هەشت کۆمان دبن، و بۆ ماوێ هەیڤەکێ ل یاریگەهێن وەلاتێ مێهڤاندار کێبڕکیێ لسەر برنا ناسناڤێ قەهرەمانیێ دکەن. ئەڤ هەلبژارتیە ب ڕێکا سیستەمەکێ پاڵاڤتنێ کو لسەر دەمێ سێ سالان دهێتە کرن، دگەهنە قەهرەمانیێ.
بیست و دوو وەرزێن بوری یێن قەهرەمانیێن کاسا جیهانی سەرکەفتنا هەشت هەلبژارتیان ب ناسناڤی دیتیە. هەروەسا هەلبژارتیێ بەرازیلێ ئامادەبوونا خۆ د هەمی قەهرەمانیان دا تۆمارکریە، ئەو هەتا نها ژ چ قەهرەمانیەکا کاسا جیهانی پاش نەکەفتیە و ئەو یێ هەرە زێدە ناسناڤ بریە کو پێنج جاران کاس بدەستخۆڤە ئینایە ل سالێن: ١٩٥٨، ١٩٦٢، ١٩٧٠، ١٩٩٤ و ٢٠٠٢. ل پەی وی هەلبژارتیێ ئیتالی دهێت کو چار جاران بدەستخۆڤە ئینایە ل سالێن: ١٩٣٤، ١٩٣٨، ١٩٨٢ و ٢٠٠٦، دگەل هەلبژارتیێ ئەلمانی کو وی ژی چار جاران بدەستخۆڤە ئینایە ل سالێن: ١٩٥٤، ١٩٧٤، ١٩٩٠ و ٢٠١٤. هەلبژارتیێ ئەرژەنتین سێ جاران ناسناڤ بریە. هەریەک ژ هەلبژارتیێ ئۆرۆگوای و هەلبژارتیێ فرەنسا دوو جاران ناسناڤ بدەستخۆڤە ئینایە، ل دەمەکێ هەلبژارتیێن ئنگلتەرا و ئسپانیا جارەکێ ناسناڤێ قەهرەمانیێ بدەستخۆڤە ئینایە.
تنێ دوو هەلبژارتیان شیاینە دوو جارێن لسەر ئێک ناسناڤێ قەهرەمانیێ ببن، کو هەلبژارتیێ ئیتالی ئێکەم هەلبژارتی بوو دوو جارێن لسەر ئێک ل وەرزێن سالێن ١٩٣٤ و ١٩٣٨ قەهرەمانیێ بریت، پاشی بەرازیل قەهرەمانا سالێن: ١٩٥٨ و ١٩٦٢.
قەهرەمانیا کاسا جیهانی ئێکە ژ وان ڕویدانێن وەرزشی یێن هەرە پڕ تەماشەڤان لسەر ئاستێ جیهانێ، ل فینالا کاسا جیهانی یا ٢٠٠٦ێ، کو ل ئەلمانیا هاتە کرن، هژمارا وان کەسێن تەماشەی یارییا داویێ کری ب ٧١٥ ملیۆن کەسان هاتە تخمینکرن. هەلگرێ ناسناڤێ نوکە هەلبژارتیێ ئەرژەنتینە کو کاسا جیهانی یا ٢٠٢٢ێ یا کو ل قەتەرێ هاتیە کرن، بریە.
 |
| هەلبژارتیێ فەرنسا و ب دەست ڤە ئینانا کاسا جیهانی ل سالا 2018 ئەوا کو ل روسیا هاتیە ئەنجام دان |
بوچونا خو لسەر بابەتی بدە