یانەیا مانشێستەر سیتی

 

یانەیا مانشێستەر سیتی :

یانەیا مانچستەر سیتی یا تەپا پێی (ب ئینگلیزی: Manchester City Football Club) یانەیەکا تەپا پێی یا ئینگلیزی یە ژ باژێرێ مانچستەر. یانە ل سالا ١٨٨٠ ب ناڤێ سانت مارکس (ب ئینگلیزی: St. Mark's) هاتیە دامەزراندن، پاشی ل سالا ١٨٨٧ ناڤێ وێ بوو یانەیا ئاردویک (ب ئینگلیزی: Ardwick Association Football Club). ناڤێ نوکە یێ یانەیێ ل ١٦ نیسانا ١٨٩٤ لێ هاتە دانان. یانە ل تەباخا ٢٠٠٣ ڤەگوهاست بۆ یاریگەها باژێرێ مانچستەر، و یاریگەها مێین ڕۆد بجهـ هێلا کو ژ سالا ١٩١٣ وەرە تێدا یاری دکر. سەرکەفتیترین دەمێ یانەیێ ل دوماهییا شەستان و دەستپێکا حەفتێیان بوو، دەمێ خولا پلە ئێک یا ئینگلیزی و کاسا ئێکەتییا ئینگلیزی و کاسا ڕابتەیا ئینگلیزی و کاسا کاسێن ئەورووپی بدەستڤە ئیناین، و ڕاهێنەرێن تیمێ وی دەمی جو مێرسەر و مالکۆم ئەلیسن بوون.

یانەیێ باشترین سەردەمێن خۆ د ماوێ دوماهییا شەستان و دوماهییا حەفتێیێن سەدێ بیستێ دا دەرباز کرن، دەمێ خولا پلە ئێک و کاسا ئێکەتییا ئینگلیزی و کاسا کاسێن ئەورووپی بدەستڤە ئیناین، و ئەڤە دبن سەرپەرشتییا جو مێرسەر و مالکۆم ئەلیسن دا بوو. پشتی ل سالا ١٩٨١ د یارییا داویێ یا کاسا ئێکەتییا ئینگلیزی دا تووشی شکەستنێ بووی، یانە بەرەڤ پاشڤەچوونێ چوو، و گەهشتە نزمترین ئاستێ خۆ دەمێ بۆ جارا ئێکێ د دیرۆکا خۆ دا ل سالا ١٩٩٨ داکەتیە خولا پلە سێ یا ئینگلیزی. پشتی هنگی، یانەیێ جارەکا دی جهێ خۆ د خولا نایابا ئینگلیزی (پریمیەرلیگ) دا ڤەگرت، (کۆمەلا ئەبوزەبی یا ئێکگرتی) یانە کرِی و یانە بوو ئێک ژ زەنگینترین یانەیێن جیهانێ.

ل سالا ٢٠١١، مانچستەر سیتی سەرکەفت بۆ خولا یانە پاڵەوانێن ئەورووپا و کاسا ئێکەتییا ئینگلیزی بدەستڤە ئینا. سالا پاشتر، خولا نایابا ئینگلیزی بدەستڤە ئینا، کو ئێکەم نازناڤێ وێ یێ خولێ بوو پشتی ٤٤ سالان. و ل سالا ٢٠١٤، کاسا ڕابتەیا ئینگلیزی و نازناڤێ دویێ یێ سالێ کو خولا نایابا ئینگلیزی بوو بدەستڤە ئینا. د وەرزێ ٢٠١٤-٢٠١٥ دا، یانە ل ڕێزا شەشێ د لیستەیا دیلۆیت دا هات بۆ زەنگینترین یانەیێن تەپا پێی ل جیهانێ، کو داهاتێ وێ یێ سالانە گەهشتە نێزیکی ٤٦٣.٥ ملیۆن یۆرۆیان، هەروەسا ل ڕێزا شەشێ د لیستەیا فۆربس دا هات بۆ زەنگینترین یانەیێن تەپا پێی ل جیهانێ، ژبەرکو کۆڤارا فۆربس بهایێ وێ ب نێزیکی ١.٣٧٥ ملیار دۆلاران تخمین کربوو.

ناسناڤێت پێپ گاردیولای دگەل یانێ برین

د وەرزێ ٢٠١٨-٢٠١٩ دا، مانچستەر سیتی شیا هەرسێ نازناڤێن ناڤخۆیی (خولا نایابا ئینگلیزی و کاسا ڕابتەیا ئینگلیزی و کاسا ئێکەتییا ئینگلیزی) بدەستڤە بینیت. ب ڤێ چەندێ بوو ئێکەم تیما ئینگلیزی کو د وەرزەکێ دا سێیانا دیرۆکی د دیرۆکا تەپا پێی یا ئینگلیزی دا بدەستڤە بینیت. ل دویڤدا چار نازناڤێن لسەر ئێک یێن خولا نایابا ئینگلیزی ل سالێن ٢٠٢٠-٢١، ٢٠٢١-٢٢، ٢٠٢٢-٢٣، و ٢٠٢٣-٢٤ بدەستڤە ئینان، ل گەل گەهشتنا ئێکەم یارییا داویێ یا خولا یانە پاڵەوانێن ئەورووپا بۆ یانەیێ ل سالا ٢٠٢١، لێ ل هەمبەر چێلسی تووشی شکەستنێ بوو. وەرزێ ٢٠٢٢-٢٣ شاهدییا بدەستڤەئینانا ئێکەم نازناڤێ مانچستەر سیتی د خولا یانە پاڵەوانێن ئەورووپا دا و بدەستڤەئینانا سێیانا ئەورووپی کر، و ب ڤێ چەندێ بوو دویەم یانەیا ئینگلیزی کو ڤێ چەندێ بکەت. یانە ژ سالا ٢٠٢٣ وەرە ڕێزا ئێکێ د ڕیزبەندییا ئێکەتییا تەپا پێی یا ئەورووپی دا دگریت. د وەرزێ ٢٠٢٣-٢٤ دا، مانچستەر سیتی دەستکەفتەکێ بێ وێنە تۆمار کر ب بدەستڤەئینانا نازناڤێ خولا نایابا ئینگلیزی بۆ وەرزێ چارێ لسەر ئێک پشتی ل گەڕا داویێ یا قاره‌مانیێ ب ئه‌نجامێ ٣-١ ل میهڤانا خۆ وێستهام برى و نازناڤ مسۆگه‌ر كرى پشتی ڕکابەریەکا دژوار ل گەل تیما ئارسینال خودانا پلا دویێ.

برنا خولا قارەمانێن ئەوروپا

دیرۆک :

قۆناغا دامەزراندنێ

سانت مارکس (گۆرتۆن) ل سالا ١٨٨٤ - ئەگەرێ خاچا مالتی نوکە نەدیارە.

ئێکەم نازناڤێ یانەیێ دەمێ ل سالا ١٨٩٩ خولا پلە دوو بدەستڤە ئینای بوو؛ سیتی سەرکەفت بۆ خولا پلە ئێک. سیتی ئێکەم نازناڤێ خۆ یێ قاره‌مانیێن مەزن ل ٢٣ نیسانا ١٩٠٤ بدەستڤە ئینا، دەمێ ب ئەنجامێ ١-٠ ل یاریگەها کریستال پالاس ل بۆلتۆن واندەرەرز بری و نازناڤ کاسا ئێکەتییا ئینگلیزی بوو. د خولێ دا سیتی ب زەحمەت پلا دویێ بدەستڤە ئینا، لێ د کاسێ دا سیتی پلا ئێکێ بدەستڤە ئینا و بوو ئێکەم یانەیا مانچستەر کو ڤێ شەرەفێ بدەستڤە بینیت. وەرزێ پاشتر سیتی کاسا ئێکەتییا ئینگلیزی بدەستڤە ئینا، و یانە تووشی تۆمەتێن سەرپێچیێن دارایی بوو، و ئەڤە گەهشتە وێ ڕادەی کو ل سالا ١٩٠٦، ١٧ یاریزان هاتنە ڕاگرتن، د ناڤ وان دا کاپتنێ تیمێ بیلی مێرێدیس کو پاشتر چوو یانەیا مانچستەر یونایتد. ل سالا ١٩٢٠ ئاگرەک ل یاریگەها سیتی هاید ڕۆد کەفت و سکویا سەرەکی یا یاریگەهێ سۆت، و ل سالا ١٩٢٣ یانە ڤەگوهاست بۆ یاریگەهەکا نوی ب ناڤێ یاریگەها مێین ڕۆد کو دکەڤیتە موس ساید. 

یاریگەها  مانشێستەر سیتی

د سیهان دا، مانچستەر سیتی دوو جارێن لسەر ئێک گەهشتە یارییێن داویێ یێن کاسا ئێکەتییا ئینگلیزی، یا ئێکێ ل سالا ١٩٣٣ ل هەمبەر ئێڤەرتۆن تووشی شکەستنێ بوو، بەری کو ل سالا ١٩٣٤ د یارییا داویێ دا ل پۆرتسمۆس ببەت. د دەما کاسا ئێکەتی یا سالا ١٩٣٤ دا، یاریگەها مانچستەر سیتی ڕیکۆردەکا نوی بۆ زۆرترین ئامادەبوونا جەماوەری د یارییەکێ دا د دیرۆکا تەپا پێی یا ئینگلیزی دا تۆمار کر، هژمارا ئامادەبوویان ٨٤٥٦٩ هەوادار بوون و یاریگەهـ تژی بوو، و ئەڤە ڕیکۆردەکە کو هەتا نوکە یا مای. د گەڕا شەشێ یا کاسا ئێکەتییا ئینگلیزی دا ل سالا ١٩٣٤ مانچستەر سیتی ل گەل ستۆک سیتی وەکهەڤ بوو. یانەیێ بۆ جارا ئێکێ ل سالا ١٩٣٧ نازناڤێ خولا پلە ئێک بدەستڤە ئینا، لێ وەرزێ پاشتر داکەت، سەرەڕای هندێ کو پتر ژ هەر تیمەکا دی د خولێ دا گۆل تۆمار کربوون. پشتی بیست سالان، سیتی سیستەمێ تاکتیکیێ ناسکری ب "پیلانا ڕێڤی" بکار ئینا کو هاریکارییا وێ کر جارەکا دی دوو جارێن لسەر ئێک بگەهیتە یارییێن داویێ یێن کاسا ئێکەتییا ئینگلیزی، ل سالێن ١٩٥٥ و ١٩٥٦؛ هەروەکی سیهان، سیتی یارییا خۆ یا ئێکێ ل هەمبەر نیوکاسل یونایتد دۆراند، و یا دویێ بر. یارییا داویێ یا سالا ١٩٥٦، کو مانچستەر سیتی ب ئەنجامێ ٣-١ ل بێرمنگهام سیتی بر، ئێکە ژ بناڤ و دەنگترین یارییێن داویێ یێن کاسا ئێکەتییا ئینگلیزی د هەمی دەمان دا، و تێدا گۆلپارێزێ سیتی بێرت تراوتمان دهێتە بیرا مرۆڤی کو پشتی ستویێ وی شکەستی بەردەوام بوو لسەر یاریکرنێ.

یاریگەها ئتیحاد یا مانشێسەر سیتی

چەرخێ زێرین :

پشتی داکەتنێ بۆ خولا پلە دوو ل سالا ١٩٦٣، پاشەرۆژا سیتی تاری دەرکەفت دگەل کێمترین تۆمارا ئامادەبوونا جەماوەری ل یاریگەها خۆ کو ٨٠١٥ کەس بوون دژی سویندۆن تاون ل کانینا دووێ یا سالا ١٩٦٥. ل هاڤینا ١٩٦٥، دوو ڕاهێنەرێن نوی هاتنە دامەزراندن، جۆ مێرسەر و مالکۆم ئەلیسۆن. د وەرزێ ئێکێ دا ل ژێر سەرپەرشتیا جۆ مێرسەر، سیتی نازناڤێ خولا پلە دوو بدەستڤەئینا و گرێبەستکرن دگەل یاریزانان مایک سەمەربی و کۆلن بێل سەرکەفتی بوون. پشتی دوو وەرزان، د وەرزێ ١٩٦٧-١٩٦٨، مانچستەر سیتی بۆ جارا دووێ نازناڤێ خولا نایاب بدەستڤەئینا، نازناڤ د ڕۆژا داویێ یا وەرزیدا مسۆگەر کر پشتی سەرکەفتنا خۆ ب ئەنجامێ ٤-٣ لسەر نیوکاسل یونایتد و جیرانێن وان مانچستەر یونایتد کرنە دووێ. زێدەباری ڤان دەستکەفتان، هندەکێن دی ژی ئەڤە بوون: سیتی کاسا ئێکەتیا ئنگلیزی ل سالا ١٩٦٩ بدەستڤەئینا، بەری سەرکەفتنا ئەورۆپی بدەستڤەبینیت ب برنا کاسا براوەیێن کاسێن ئەورۆپی ل سالا ١٩٧٠، پشتی سەرکەفتنێ لسەر گۆرنیک زابژێ ب ئەنجامێ ٢-١ ل ڤیەننا. هەروەسا سیتی کاسا یانەیێن پیشەگەرێن ئنگلیزی ژی د وی وەرزی دا بدەستڤەئینا، و بوو دووەم یانەیا ئنگلیزی کو د هەمان وەرزیدا نازناڤەکێ ئەورۆپی و کاسەکا ناڤخۆیی بدەستڤەبینیت.

یانەیێ بەردەوامی دا کێبڕکیێ لسەر هەمی نازناڤان د سالێن حەفتێیان دا، و دوو جاران پلەیا دووێ د خولێ دا بدەستڤەئینا ب جوداهیا ئێک خال ژ یانەیا ئێکێ و پاشی گەهشتە یارییا داویێ یا کاسا خولا ئنگلیزی ل سالا ١٩٧٤. ئێک ژ وان یاریێن کو لایەنگرێن سیتی ب شانازی ڤە بیرادئینن، یارییا داویێ یا وەرزێ ١٩٧٣-١٩٧٤ بوو دژی ڕکابەرێ وان یێ هەرتمی مانچستەر یونایتد، کو یونایتد پێدڤی ب سەرکەفتنێ بوو دا ژ داکەتنێ ڕزگار ببیت. گۆلا سیتی ژ لایێ یاریزانێ بەرێ یێ یونایتد دێنیس لۆ ڤە هاتە تۆمارکرن، و ڤێ گۆلێ سەرکەفتن دا سیتی ب ئەنجامێ ١-٠ ل یاریگەها ئۆلد ترافۆرد و یونایتد داکەتە خولا پلە ئێک. داوی نازناڤێ سەردەمێ هەرە سەرکەفتی یێ یانەیێ ل سالا ١٩٧٦ بوو، دەمێ کو لسەر نیوکاسل یونایتد ب ئەنجامێ ٢-١ د یارییا داویێ یا کاسا یانەیێن پیشەگەرێن ئنگلیزی دا سەرکەفتین.

راهێنە پێپ گاردیولا

سەردەمێ پاشڤەچوون و سستیێ :

سیتی پشتی سەردەمێ سەرکەفتی یێ شەست و حەفتێیان دەست ب پاشڤەچوونێ کر. مالکۆم ئەلیسۆن بۆ جارا دووێ ل سالا ١٩٧٩ ڤەگەڕیا و بوو ڕاهێنەرێ یانەیێ، و پشتی هنگێ سیتی پارەیەکێ زۆر لسەر گرێبەستێن نە سەرکەفتی مەزاخت، وەکی ستیڤ دەیلی. د سالێن هەشتێیان دا ٧ ڕاهێنەران ڕاهێنەریا سیتی کر. ل ژێر سەرپەرشتیا جۆن بۆند، سیتی گەهشتە یارییا داویێ یا کاسا ئێکەتیا ئنگلیزی ل سالا ١٩٨١ لێ د یارییا داویێ دا بەرامبەر تۆتنهام هۆتسپێر دۆڕاند.

یانە دوو جاران ژ خولا پلە ئێک داکەت د سالێن هەشتێیان دا (ل سالێن ١٩٨٣ و ١٩٨٧)، لێ جارەکا دی ل سالا ١٩٨٩ ڤەگەڕیا خولا پلە ئێک و پلەیا پێنجێ ل سالێن ١٩٩١ و ١٩٩٢ ل ژێر سەرپەرشتیا پیتەر ڕید بدەستڤەئینا. لێ، ئەڤە سەردەمەکێ کورت یێ بێهنڤەدانێ بوو، و پشتی چۆنا پیتەر ڕید، بەختێ مانچستەر سیتی دەست ب کێمبوونێ کر. سیتی ئێک ژ وان یانەیان بوو کو پشکداری د خولا نایابا ئنگلیزی دا کر دەمێ ل سالا ١٩٩٢ هاتیە دامەزراندن، د وەرزێ ئێکێ دا سیتی پلەیا نەهێ بدەستڤەئینا و پشتی ب زەحمەت سێ سالان د خولا نایاب دا مای، سیتی ل سالا ١٩٩٦ داکەتە خولا پلە ئێک. پشتی دوو وەرزان د خولا پلە ئێک دا، سیتی داکەتە نزمترین ئاست د مێژوویا خۆ دا، و بوو دووەم یانە کو کاسا براوەیێن کاسێن ئەورۆپی بدەستڤەبینیت و داکەڤیتە خولا پلە سێ، پشتی یانەیا ماگدبۆرگ یا ئەلمانی.

د سەدێ بیست و ئێکێ دا :

پشتی داکەتنێ، یانە تووشی خۆنیشاندانێن جەماوەری ل دەرڤەی یاریگەهێ بوو، سەرۆکەکێ نوی بۆ یانەیێ ب ناڤێ دەیڤد بێرنستاین هاتە دامەزراندن، و د وی سەردەمی دا یانە کەتە د مەزنترین ڕێکخستنا دارایی دا د مێژوویا خۆ دا. ل ژێر سەرپەرشتیا ڕاهێنەر جۆ ڕۆیڵ، یانە د هەولا ئێکێ دا سەرکەفت، ب شێوەیەکێ دراماتیکی د یارییا پاشکۆیێ دا دژی گیلینگهام سەرکەفت و پاشی یانە بلند بوو بۆ خولا پلە دوو. سیتی سەرکەفتنەکا دی بدەستڤەئینا کو هاریکاریا یانەیێ کر بلند ببیتە خولا پلە ئێک، لێ دەرکەفت کو ئەڤە پێنگاڤەکا گەلەک دویر بوو بۆ باشبوونا یانەیێ، و ل سالا ٢٠٠١ سیتی جارەکا دی داکەت. کێڤن کیگن ل دوماهیا وەرزیدا ل جهێ جۆ ڕۆیڵ بوو ڕاهێنەرێ تیمێ، پاشی یانە ڤەگەڕیا خولا پلە ئێک و پاشی پلەیا ئێکێ د خولا پلە ئێک دا بدەستڤەئینا و بلند بوو بۆ خولا نایاب، یانەیێ ڕیکۆردا هژمارا گۆل و خالێن بدەستڤەئینای د ئێک وەرز دا شکاند. وەرزێ ٢٠٠٢-٢٠٠٣ داوی وەرز بوو کو یاریێن سیتی ل یاریگەها مەین ڕۆد بهێنە کرن، یارییا داویێ دگەل مانچستەر یونایتد بوو و سیتی ب ئەنجامێ ٣-١ سەرکەفت، و ب ڤێ چەندێ زنجیرەکا ١٣ سالان یا بێ سەرکەفتن د دێربیێ دا ب داوی هات. سیتی سەرکەفت بۆ کێبڕکیێن ئەورۆپی کو ٢٥ سالان ژێ دویر بوو. ل داویا وەرزێ ٢٠٠٣ سیتی ڤەگوهاست بۆ یاریگەهەکا نوی ب ناڤێ یاریگەها باژێرێ مانچستەر. چار وەرزێن ئێکێ ل یاریگەهێ سیتی ل ناڤەڕاستا خولێ ب داوی ئینان. ڕاهێنەرێ بەرێ یێ هەلبژارتیێ ئنگلتەرا یێ سویدی سڤێن-گۆران ئێرکسۆن ل سالا ٢٠٠٧ بوو ئێکەم ڕاهێنەرێ یانەیێ ژ دەرڤەی ئنگلتەرا. دەستپێکا باش یا سیتی کو د نیڤا ئێکێ یا خولێ دا هەبوو، د نیڤا دووێ یا وەرزیدا لاواز بوو، و پاشی سڤێن-گۆران ئێرکسۆن ل حوزەیرانا ٢٠٠٨ هاتە دەرکرن. و پشتی دوو ڕۆژان ژ دەرکرنا ڕاهێنەرێ بەرێ، ل ٤ی حوزەیرانا ٢٠٠٨، مارک هیوز ل جهێ وی هاتە دانان. ل سالا ٢٠٠٨، یانە د ڕەوشەکا دارایی یا خراب دا بوو. تاکسین شیناواترا سالەکێ بەری هنگێ خودانێ یانەیێ بوو، و کێشەیێن وی یێن سیاسی بوونە ئەگەرێ بەستنا پارەیێ وی. پاشی، ل تەباخا ٢٠٠٨، ژ لایێ کۆمەلا ئەبوزەبی یا ئێکەتی بۆ گەشەپێدان و وەبەرهێنانێ ڤە هاتە کڕین. پشتی کڕینا یانەیێ زنجیرەیەکا پێشکێشکرنان بۆ یاریزانێن بناڤ و دەنگ دەستپێکر؛ یانەیێ بلندترین گرێبەستا کڕینێ یا ئنگلیزی تۆمار کر دەمێ یاریزانێ بەرازیلی ڕۆبینیۆ ژ ڕیال مەدریدا ئسپانی ب بهایێ ٣٢.٥ ملیۆن پاوەندێن ئیستەرلینی کڕی. پێشکێشکرنان گەلەک باشی بۆ وەرزێ نەئینا، ژبەرکو سەرەڕای هاتنا پارەی، سیتی وەرز ل پلەیا دەهێ ب داوی ئینا، د خولا ئەورۆپی دا سیتی گەهشتە چارێکا داویێ لێ بەرامبەر هامبۆرگ دۆڕاند. د هاڤینا ٢٠٠٩ دا، یانەیێ پارەیەکێ زۆر مەزاخت کو چ جارەکێ یانەیێ هۆسا د ئێک وەرز دا نەمەزاخبوو، کوژمە ١٠٠ ملیۆن پاوەندێن ئیستەرلینی بوو و یاریزان ژی گارێس باری، ڕۆکی سانتا کروز، کۆلۆ تۆرێ، ئیمانوێل ئەدێبایۆر، کارلۆس تێڤێز، و جۆلیۆن لێسکۆت بوون. ل کانینا ئێکێ یا ٢٠٠٩، ڕاهێنەر مارک هیوز ب ڕۆبێرتۆ مانچینی هاتە گوهۆڕین. پاشی سیتی ب شێوەیەکێ سەیر خول ل پلەیا پێنجێ ب داوی ئینا، و سەرکەفت بۆ کێبڕکیێ د خولا ئەورۆپی دا بۆ وەرزێ ٢٠١٠-٢٠١١.

د وەرزێن ل دویڤدا یانێ بەردەوام بوو لسەر وەبەرهێنانێ د یاریزاناندا، و ئەنجام دەستپێکرن باشتر ببن. سیتی گەهشتە یارییا داویێ یا کاسا ئێکەتییا ئنگلیزی یا سالا ٢٠١١، کو ئێکەم یارییا داویێ بوو یا پاڵەوانیەتییەکا مەزن پشتی پتر ژ سیهـ سالان، پشتی سەرکەفتنا خوە د دێربیێ دا لسەر مانچستەر یونایتد د قوناغا نیڤا داویێ دا، و ئەڤ پاڵەوانیەتیە ئێکەم جار بوو سیتی دگەهیتە یارییا داویێ یا کاسا ئێکەتیێ ژ سالا ١٩٧٥ ڤە. سیتی ب ئەنجامێ ١-٠ لسەر ستۆک سیتی سەرکەفت د یارییا داویێ دا، و ئەڤە ناسناڤێ پێنجێ بوو د کاسا ئێکەتییا ئنگلیزی دا، و ئێکەم پاڵەوانیەتییا مەزن بوو بۆ یانێ پشتی برنا کاسا یانەیێن پڕۆفیشناڵێن ئنگلیزی د سالا ١٩٧٦ دا. د هەمان حەفتیێ دا، یانێ بۆ ئێکەم جار ژ سالا ١٩٦٨ ڤە سەرکەفت بۆ خولا یانەیێن پاڵەوانێن ئەوروپا پشتی سەرکەفتنا خوە لسەر توتنهام هوتسپێر ب ئەنجامێ ١-٠. د رۆژا داویێ یا وەرزێ ٢٠١٠-٢٠١١ دا، سیتی پێش ئارسینال کەفت و بلند بوو بۆ رێزا سیێ د خولا نایاب دا، و ب ڤێ چەندێ راستەوخۆ سەرکەفتنا خوە بۆ قوناغا کۆمەلان د خولا یانەیێن پاڵەوانێن ئەوروپا دا مسۆگەر کر. ئاستێ بهێز یێ سیتی د وەرزێ ٢٠١١-٢٠١٢ دا بەردەوام بوو، دەمێ ب ئەنجامێ ٥-١ لسەر توتنهام هوتسپێر ل یاریگەها وایت هارت لەین سەرکەفتن و سەرکەفتنەکا دژوار لسەر مانچستەر یونایتد ب ئەنجامێ ٦-١ ل یاریگەها یونایتد تۆمارکرن. لگەل هندێ کو ئەو هێزا سیتی د دەستپێکا خولێ دا نیشادای کێم بوو د نیڤا رێکێ دا، و سیتی ب هەشت خالان ل پاش پێشەنگ مانچستەر یونایتد بوو و بتنێ ٦ یاری مابوون، پشتی هنگێ یونایتد تووشی شکەستنەکا بێ وێنە بوو و دگەل سیتی د خالاندا وەکهەڤ بوون لێ سیتی ب جوداهییا گولان پێشکەفت.

مانچستەر سیتی د سالا ٢٠١٣ دا :

لگەل هندێ کو سیتی بتنێ پێدڤی ب سەرکەفتنێ بوو ل یاریگەها خوە دا کو ناسناڤێ خولێ ب دەستڤە بینیت، لێ هەتا داوییا دەمێ سەرەکی سیتی ب دوو گولان بەرامبەر گولەکێ ل پاش بوو، ئەڤێ چەندێ هندەک یاریزانێن یونایتد هاندان پیرۆزباهییان بکەن ب هزرکرنا کو وان خول برییە. لێ سیتی دوو گول د دەمێ زێدەکری دا تۆمارکرن و ئەڤ دوو گولە بوونە ئەگەرێ وێ چەندێ کو سیتی ببیتە پاڵەوانێ خولێ. ئەڤە ئێکەم ناسناڤێ خولێ بوو بۆ سیتی پشتی ٤٤ سالان، و سیتی بوو پێنجەم یانە کو خولێ دبەت ژ دەمێ دامەزراندنا وێ د سالا ١٩٩٢ دا. پشتی هنگێ، ژێدەرێن راگەهاندنێ ژ بریتانیا و هەمی جیهانێ ئەڤ روودانە وەک مەزنترین دەم د مێژوویا خولا نایاب دا وەسفکر.

پشتی داوی هاتنا ڤی وەرزی، پالپشتییەکا مەزن بۆ سیتی هات، د وەرزێ ل دویڤدا، یانێ نەشیا چ مفای ژ دەستکەفتێن ئێکەم دوو وەرزێن راهێنەر رۆبێرتۆ مانچینی وەربگریت. ماوێ ڤەگوهاستنان چ یاریزان نەئینان هەتا رۆژا داویێ ژ وەرزێ، دەمێ ٤ یاریزان د ماوێ ١٠ دەمژمێران دا هاتینە د ناڤ یانێ دا. یارییا جوان یا یانێ د وەرزێ بەری هنگێ دا کێم ببوو، و ژ ئەگەرێ زۆر بوو کو داکەڤیتە رێزەکا نزمتر ژ یا دووێ، و کێبەرکییا سیتی بۆ خولێ د ماوەیەکێ کورت دا بوو ژ وەرزێ. د خولا یانەیێن پاڵەوانێن ئەوروپا دا، یانە بۆ جارا دووێ ل دویڤ ئێک ژ قوناغا کۆمەلان دەرکەفت، و ناڤ و دەنگێ رۆبێرتۆ مانچینی د ناڤخۆ دا پتر بوو ژ ئەوروپا، یانە گەهشتە یارییا داویێ یا کاسا ئێکەتییا ئنگلیزی لێ بەرامبەر یانەیا ویگان ئەتلەتیک یا کو داکەفتییە خولا پلە ئێک ب ئەنجامێ ١-٠ شکەست، پشتی بەلاڤبوونا دەنگوباسان کو راهێنەر رۆبێرتۆ مانچینی دێ دەست ژ کار کێشیت. پشتی دوو رۆژان رۆبێرتۆ مانچینی دەست ژ کار کێشا، ژبەر شکەستنا وی د گەهشتنا ئارمانجێن خوە دا بۆ ڤی وەرزی. گەلەک رۆژنامەیان ئاماژە پێدا کو پەیوەندی د ناڤبەرا مانچینی و یاریزانان دا تێکچوویە و پەیوەندییا وی دگەل ئیتالییان و دەستەیا کارگێرییا یانێ ژی تێکچوویە، پشتی هنگێ مانچینی پێشنیارا یانێ بۆ راهێنەریا یانەیا گەنجان رەتکر. پشتی دەست ژ کار کێشانا مانچینی، مانوێل پێلێگرینی یێ چیلی وەک راهێنەرێ یانێ هاتە دەستنیشانکرن، د ئێکەم وەرزێ راهێنەریا پێلێگرینی دا یانێ کاسا یانەیێن پڕۆفیشناڵێن ئنگلیزی بر و ناسناڤێ خولا نایاب د رۆژا داویێ یا وەرزێ دا ڤەگەراند.

د شوباتا ٢٠٢٣ دا، خولا نایابا ئنگلیزی، یا کو لێکولینا خوە یا چار سالی ب داوی ئینای، مانچستەر سیتی ب شکاندنا پتر ژ ١٠٠ رێسایێن دارایی د دەمێن جودا دا تۆمەتبار کر. خولێ گوت کو مانچستەر سیتی بۆ ماوێ نەهـ سالان د بن دەستهەلاتا ئیماراتی دا، موبارەک و شێخ مەنسور، پێزانینێن شاش دەربارەی رەوشا خوە یا دارایی پێشکێش کرینە. تۆمەتبارکرنێن خولا نایاب ٨٠ پێشێلکاریێن گومانلێکری یێن رێسایێن دارایی د ناڤبەرا سالێن ٢٠٠٩ و ٢٠١٨ دا بخۆڤە دگرتن. ل گەل ڤێ چەندێ، پتر ژ ٣٠ پێشێلکاری ب شکەستنا مانچستەر سیتی ڤە گرێدای بوون د هەڤکاریکرنێ دا دگەل لێکولینا خولا نایاب ژ کانوینا ئێکێ یا ٢٠١٨ ڤە.

رۆلێ شێخ مەنسور وەک خودانێ مانچستەر سیتی کەفتە د مەترسیێ دا، دەمێ پارێزەرێن نوونەراتییا چالاکڤانێ ئۆکرانی - ریس دەیڤس ژ تێمپل گاردن چامبەرز و بێن کیث ژ ٥ سەینت ئەندرۆز هیل چامبەرز - نامەیەک بۆ وەزیرێ دەرڤەیێ بریتانیا جەیمس کلیڤەرلی هنارتی، و داخوازا لێکولینەکێ کر دەربارەی وێ چەندێ ئەرێ مەنسور هەڤکارییا ئۆلیگارشێن رۆسی کریە د ڤەگوهاستنا سەروەتێ وان بۆ ئیماراتێ و رەڤین ژ سزایان. پارێزەران فشار لسەر حکومەتا بریتانیا کر کو لێکولینێ د رەفتارا شێخ مەنسور دا بکەت کا ئەرێ دڤێت بکەڤیتە بن سزایێن دارایی یێن بریتانی. ئەگەر وەک کەسەکێ تێوەگلای بهێتە دەستنیشانکرن، دێ شێخ مەنسور وەک خودانێ مانچستەر سیتی بهێتە دوورئێخستن ل دویڤ رێسایێن نویکری یێن خولا نایاب دەربارەی تاقیکرنا خودان و رێڤەبەرێن وێ.

رێباز فيصل